Urkunde Nr. 3227 aus Band VI

Seite im UB:

84-85 ^a)

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I, Nr. 303.

Druckvorlage:

nach Original

Abdruck als:

Volltext

Sprache:

Latein

---

3227

Burg Dâmboviţa 1460 August 10 ^b) Vlad Ţepeş, Woiwode der Walachei, schreibt an Richter und Rat von Kronstadt wegen Vergleichen in Rechtsfällen. [S. 85]

Prudentes et circumspecti viri fratres atque amici nostri nobis plurimum honorandi. Ex parte nostri hominis cum porcis aliam non agnoscere possumus iustitiae aequitatem, nisi de villa eadem in qua homo noster dictos porcos suos fore asserit, XII homines iuramentum praestare debeant, sic quod dicti porci non tempore pacis sed discordiarum tempore essent recepti. Quod si sic dicti iuraverunt homines XII, extunc homo noster dictis de porcis carentiam et dampnum habeat, sed si dicti duodecim homines iuramentum praestare contempserint, ex tunc dictos porcos nostro homini restitui facere velitis. De babatis autem nobis constat sic, quod nos non tenemus, quod ea temporibus discordiarum facta et acta sint, quoniam nos illo tempore legatos et nuntios nostros apud vestras prudentias et circumspectiones habuimus. Igitur hortamur vestras prudentias et circumspectiones praesentibus diligenter, quatenus hominibus nostris quibuslibet iustitiariam impendere velitis satisfactionem, prout et nos vestris quibuslibet meram impendimus iustitiae aequitatem. Ob hoc etiam iustitia inter nos fieri debet, ne minora maiora sequantur, quoniam ut clare videtur, quod propter parva, magna emergi solent, quoniam sciendum, quod si agnoverimus nostris hominibus sicut nos vestris iustitiae non impertiri aequitatem nostros in dampno nullatenus homines permittemus. Ex castro fluvii Dombauicha dominica in die beati Laurentii martiris, anno domini millesimo quadringentesimo sexagesimo.

Wlaad waywoda partium Transalpinarum.

Auf der Rückseite Adresse: Prudentibus et circumspectis viris iudici et iuratis civibus civitatis Brassoviensis, fratribus atque amicis nostris nobis plurimum honorandis.


a) Seitenumbruch nach Kopfregest.^{^}
b) Ausstellungsort im UB als: Dîmboviţa.^{^}