Urkunde Nr. 3221 aus Band VI

Seite im UB:

81

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 209.

Druckvorlage:

nach Original

Abdruck als:

Volltext

Sprache:

Latein

---

3221

Hermannstadt 1460 Juni 13 Die Richter und Geschworenen der Sieben Stühle bestätigen den von dem Hannen und den geschworenen Bürgern von Seiden gefällten Urteilsspruch aus 1460 Nr. »3220 in der Streitsache zwischen Gallus, dem Gehilfen des Seidener Pfarrers, und einigen Einwohnern von Bulkesch.

Nos iudices et iurati seniores septem sedium Saxonicalium partium Transsilvanarum memoriae commendamus per praesentes, quod cum nos more nostro solito in praesenti nostra generali iudiciaria congregatione pro tribunali pariter consedissemus, comparuerunt coram nobis nonnulli hospites de Bolgach in suis et certorum hospitum de eadem nominibus et personis ab una et quidam Gallus famulus domini plebani de Zytwa partibus ab altera, in causa per viam appellationis vigore certarum literarum sententionalium et appellationalium villici et iuratorum seniorum ambarum partium possessionis Zytwa ad nos deducta. Quarum literarum tenor per omnia talis est: (folgt die Urkunde des Hannen und der Geschworenen von Seiden aus 1460 Nr. »3220). Unde nos visis huiusmodi literis sententionalibus et appellationalibus praeinsertis et clarius intellectis, comperimus diffinitiva nostra sententia mediante, praefatos villicum et iuratos seniores de Zytwa iuxta patriae nostrae observatam consuetudinem et iura rite et legittime in hac parte iudicasse, ex quo antelatus Gallus praefatis hospitibus de Bolkus vadium pie petentium non dedit, sed se evaginato gladio, uti praefertur, ipsis violenter opposuit, dicens ut antequam ab eo vadium reciperent, ex eis decem morirentur, harum nostrarum literarum sigillo nostro minori provinciali consignatarum testimonio mediante. Datum Cibinii secundo die festi sacratissimi corporis Christi, anno domini millesimo quadringentesimo sexagesimo. In generali nostra iudiciaria congregatione.