Urkunde Nr. 361 aus Band I

Seite im UB:

336-337

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1942.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

361

1318 September 28 Das Weissenburger Kapitel beglaubigt die Urkunde des Königs Karl von 1318 betreffend die terra Solumus Nr. »357 und bezeugt, dass Magister Petrus in den Besitz derselben eingeführt worden ist.

Excellentissimo domino suo Karolo dei gratia illustri regi Hungariae capitulum ecclesiae beati Michaelis archangeli Transiluanae orationes in domino debitas ac devotas. Cum perpetua fidelitate literas excellentiae vestrae noveritis nos recepisse in haec verba. (Folgt die Urkunde des Königs Karl von 1318 Nr. »357.) Nos igitur praeceptis et mandatis excellentiae vestrae obtemperantes, ut tenemur, cum praefato Thoma nomine vestro ad praedicta exsequenda misimus hominem nostrum fide dignum Eberhardum videlicet plebanum de Theke, vicearchidiaconum de Ozd, pro testimonio vice nostra. Qui quidem Eberhardus plebanus homo noster demum ad nos reversus dixit nobis requisitus, quod idem homo vester una cum eodem homine nostro in octavis beati Johannis baptistae proxime praeteritis¹⁾ ad faciem dictae terrae Solumus accessisset et convocatis commetaneis et vicinis omnibus eiusdem terrae Solumus diligenter ab omnibus commetaneis et vicinis inquirendo sub testimonio dicti hominis nostri, a quibus decuit et licuit, invenisset et scivisset, eandem terram fuisse et esse domini regis et ad [S. 337] regiam collationem pertinere, et scita huiusmodi veritate de facto terrae praelibatae praefatus homo vester coram ipso homine nostro ipsam terram Solumus iuxta veteres metas reambulasset et reambulatione facta statuisset coram omnibus commetaneis et vicinis dicto magistro Petro possidendam, nemine penitus contradictore existente. Datum in vigilia beati Michaelis archangeli, anno domini millesimo CCC^o decimo octavo.


1) Juli 1.^{^}