Urkunde Nr. 3209 aus Band VI

Seite im UB:

74

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 212.

Druckvorlage:

nach Original

Abdruck als:

Volltext

Sprache:

Latein

---

3209

Burg Stremţ 1460 April 9 Der siebenbürgische Gubernator Michael Szilágyi trägt den Edelleuten von Războieni-Cetate auf, den von ihnen Überfallenen Hermannstädter Bürgern für den Schaden, den sie diesen bei der Rückkehr vom Jahrmarkt in Buza zugefügt haben, Genugtuung zu verschaffen und ihre Ansprüche in Zukunft vor dem Hermannstädter Gerichtsstuhl geltend zu machen.

Michael Zilagy de Horogzeg comes perpetuus Bistriciensis ac partium Transsilvanarum gubernator nobilibus in possessione Fewldwar vocata commorantibus salutem et dilectionem. Querelam prudentum iudicis et iuratorum civitatis Cibiniensis recepimus continentem, quomodo vos hiis proxime transactis temporibus, nescitur quo ducti spiritu, ipsis cum rebus et bonis eorum de nundinis tunc temporis in oppido Bwza celebratis, versus propria remeare volentibus potentialiter ac manibus armatis in eos irruentes, duos eorum consocios per vos captos, diris vinculis incarceratos, alios autem una cum ipsorum rebus et bonis impellentes praefatos autem duos eorum consocios de ipsorum vinculis pecunialiter redimentes coacti sunt. Quiquidem Cibinienses innoxii antequam se impelli permisissent, duobus e vestri medio interfectis, quorum homagia praefati Cibinienses etiam compulsi exolverunt, hiis non contenti eisdem Cibiniensibus dietim minas et molestias minus iuste imponeretis in ipsorum detrimentum et dampnum valde magnum. Super quo vobis auctoritate nostrae gubernationis firmiter committimus et mandamus, aliudque habere nolentes, quatenus de iniuriis ac dampnis per vos ut praefertur eisdem Cibiniensibus minus iuste illatis, satisfacientes, ipsosque a modo deinceps nullomodo impediatis, sed eosdem cum eorum rebus et bonis in ipsorum progressu libere, pacifico ac sine aliquali impedimento transire et reverti permittatis et permitti faciatis. Si quid autem quidquam actionis contra eosdem Cibinienses aut eorum alterum habueritis, id coram sede Cibiniensi legittime prosequamini, ex parte quorum iuris complementum vobis exhibere debebunt. Secus facere non ausuri. Praesentibus perlectis exhibenti restitutis. Datum in Castro nostro Gyod in magna quarta feria, anno domini millesimo quadringentesimo sexagesimo.

Auf der Rückseite von annähernd gleichzeitiger Hand: Literae Michaelis Zyladgii contra certos impeditores mercatorum.