Urkunde Nr. 3200 aus Band VI

Seite im UB:

68-69

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3200

Gilău 1459 Dezember 17 Der siebenbürgische Bischof Matthäus trägt dem Dechanten des Bistritzer Dekanats auf, aufsässige Geistliche festzunehmen und ihm vorzuführen .

Mattheus dei et apostolicae sedis gratia episcopus Transilvanus sincere nobis in Christo dilectis honorabilibus et discretis universis et singulis ecclesiarum capellarumque rectoribus et plebanis in et sub decanatu Bistritiensi ubivis commorantibus praesentium notitiam habituris salutem in domino. Ad nostri pervenit audientiam, quod non sine gravi cordis nostri displicentia vobis ferimus, qualiter nonnulli clerici tam in maioribus quam in minoribus ordinibus constituti omni oboedientia suorum superiorum abiecta contra eosdem superiores suos pertinaciter rebbelisare ac timore dei prorsus postposito se multi-[S. 69] plicibus enormitatibus ingeri consuevissent in scandalum totius ordinis clericalis ac animarum suarum salutis dispendium manifestum. Volentes autem huiusmodi eorum pertinacibus ausibus obviare matura nostrorum consiliariorum superinde praehabita deliberatione volumus, ut decanus iurisdictionis vestrae pro tempore constitutus tales rebelles ut pertinaces veluti salutis ipsorum immemores de quibus evidens fuerit documentum detinere bonaque ipsorum occupare ac detentos propriis eorum in personis nobis praesentare teneatur. Mandamus vobis, ut et vos prout per vestrum aliquem fuerit requisitus decanus assistere debeatis. Et aliud non facturi. Datum in Castro nostro Gyahv feria secunda proxima post festum beatae Luciae virginis, anno domini MCCCCLIX¹⁾.


1) Lieb liest LXX, bessert aber die ersten römisch X in 1 aus und setzt in arabischen Ziffern 59 hinzu.^{^}