Urkunde Nr. 359 aus Band I

Seite im UB:

335

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

359

Avignon [1318] Juni 17 Papst Johann XXII. beauftragt den päpstlichen Steuersammler Rufinus de Civino, die ungarische Geistlichkeit zur Angabe der Bezüge erledigter Stellen zu veranlassen.

Johannes episcopus . . . . . dilecto filio magistro Rufino de Civino archidiacono Tollensi in ecclesia Quinqueecclesiensi apostolicae sedis nuncio salutem Cum collectio fructuum, reddituum et proventuum beneficiorum ecclesiasticorum regni Ungariae, quae tunc vacabant, et quae in posterum usque ad triennium ubicumque vacare contingeret, etiam si apud sedem apostolicam vacarent, pro ecclesiae Romanae necessitatibus et ipsius oneribus facilius supportandis deputandorum, tibi et certis praelatis ecclesiarum eiusdem regni per nostras literas sub certa forma commissa ex eo impedimentum grave suscipiat, quod iidem praelati et aliae personae ecclesiasticae dicti regni valorem fructuum, reddituum et proventuum dictorum beneficiorum, cum illa vacare contingit, denegant relevare.¹⁾ Nos volentes super hoc de opportuno remedio providere, tibi, quod eosdem praelatos tam archiepiscopos quam episcopos, et onmes alias personas ecclesiasticas eiusdem regni saeculares et regulares, cuiuscumque ordinis, conditionis, status vel dignitatis existant, exemptas et non exemptas, ad relevandum²⁾ tibi valorem fructuum, reddituum et proventuum eorundem auctoritate nostra, appellatione postposita, compellere valeas, plenam tibi concedimus tenore praesentium potestatem. Non obstante, si eis vel eorum aliquibus a sede apostolica sit indultum, quod interdici, suspendi vel excommunicari non possint per literas apostolicas non facientes . . . . . mentionem. Datum Avinione, XV. Kalendas Julii, anno secundo.


1) Vorlage: revelare.^{^}
2) Vorlage: revelandum.^{^}