Urkunde Nr. 35 aus Band I

Seite im UB:

24

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 12, fol. 18 recto et verso, Eintrag Nr. 69. ^a)

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

35

Rom im Lateran [1223] Januar 12 Papst Honorius III. beauftragt den Erlauer Bischof, eine geeignete ihm von dem deutschen Orden vorgeschlagene Person als Dekan im Burzenland einzusetzen.

Honorius episcopus . . . . . venerabili fratri . . ¹⁾ episcopo Agriensi salutem . . . . . Dilecti filii . . magister et fratres domus sanctae Mariae Teutonicorum sua nobis petitione monstraverunt, quod in terra, quae dicitur Boza, quam noviter inhabitare ceperunt, impetu paganorum, per quos hactenus vasta et deserta permansit. non sine ipsorum multo discrimine refrenato, est iam non parvus numerus clericorum. Unde cum terra ipsa, iuxta indulgentias eorum ordini ab apostolica sede concessas, praeter Romanum pontificem non habeat episcopum vel praelatum, supplicarunt, ut praefatis clericis provideremus archipresbyterum vel decanum, ad quem possint habere recursum super quaestionibus emergentibus inter eos, donec ipsius terrae populus in tantum, annuente domino, augmentetur, quod eis de proprio possit episcopo provideri. Ideoque fraternitati tuae per apostolica scripta mandamus, quatenus idoneam personam tibi ab ipsis fratribus praesentatam vice nostra in archipresbyterum vel decanum praeficias clericis antedictis. Datum Laterani, II. Idus Januarii, anno septimo.


a) Bei Zimmermann Reg. Vat. 10.^{^}

1) Thomas.^{^}