Urkunde Nr. 3187 aus Band VI

Seite im UB:

58-59

Heute in:

Kronstadt, Archiv der Honterusgemeinde

Heutige Signatur:

IV F 1 (Sammlung Trausch) Tq (Manuskripte in Quart) 80 (Diplomatarium Transilvanico-Saxonicum) Vol. X, Text Nr. 182.

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

3187

Ofen 1459 Juni 20 König Matthias verleiht das erbliche Königsrichteramt des Leschkircher Stuhles an Michael und Nikolaus de Gerend.

Nos Mathias dei gratia rex Hungariae et cetera memoriae commendamus tenore praesentium significantes quibus expedit universis, quod nos consideratis fidelitatibus et fidelium servitiorum gratuitis meritis fidelis nostri egregii Michaelis de Gerend per eum quondam primum illustri principi domino Joanni de Hunyad gubernatoris dicti nostri regni Hungariae, genitori nostro charissimo et tandem maiestati nostrae sacraeque dicti regni nostri Hungariae coronae, sub locorum et varietate tempore¹⁾ cum summa fidelitatis constantia laudabiliter exhibitis et impensis, grebonatum seu iudicatum regalem Saxonicalem sedis Wyegyhaz, alio nomine Leschkirch, ac pertinentiarum suarum in districtu VII Sedium Saxonicalium existentem. In cuius gerebonatus seu iudicatus dictae sedis pacifico dominio ipse Michael se ac Nicolaum de praefata Gerend fratrem suum carnalem ex donationibus divorum regum Hungariae, nostrorum scilicet praedecessorum, per multa tempora perstitisse persistereque asserit etiam de praesenti, simul cum cunctis suis utilitatibus, fructibus, proventibus, honoribus et pertinentiis quibuslibet, ad ipsam sedem grebonatus seu iudicatus de iure et consuetudine ab antiquo spectantibus et pertinere debentibus. Praemissis sic ut praefertur stantibus et se habentibus, memoratis Nicolao et Michaeli de praefata Gerend ipsorumque haeredibus et posteritatibus universis novae nostrae donationis titulo dedimus, donavimus et contulimus, immo damus, donamus et conferimus iure perpetuo et irrevocabiliter tenendum, possidendum [S. 59] pariter et habendum salvo iure alieno, harum nostrarum vigore et testimonio literarum mediante, quas in formam nostri privilegii redigi faciemus, dum nobis in specie fuerint reportatae. Datum Budae feria quarta proxima ante festum nativitatis beati Joannis baptistae, anno domini 1459.


1) So Vorlage.^{^}