Urkunde Nr. 3161 aus Band VI

Seite im UB:

41-42

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 198.

Druckvorlage:

nach Original

Abdruck als:

Volltext

Sprache:

Latein

---

3161

Segedin 1459 Januar 19 König Matthias befiehlt allen Zollinhabern von Ungarn, die Zollfreiheit der Sachsen der Sieben Stühle zu achten.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis praelatis, baronibus, comitibus, castellanis, nobilibus eorumque oficialibus item civitatibus et liberis villis ipsarumque rectoribus, iudicibus et villicis necnon tributariis, tricesimatoribus tam nostris quam aliorum quorumlibet intra ambitum regni nostri tam in terris quam in aquis ubilibet constitutis et constituendis praesentium notitiam habituris salutem et gratiam. Ex querulosa significatione fidelium nostrorum providorum et circumspectorum virorum Nicolai de Wiszakna et Ladislai Kakas, civium civitatis nostrae Cibiniensis per eosdem in ipsorum ac universorum civium et hospitum eiusdem civitatis Cibiniensis necnon singulorum Saxonum septem sedium partium nostrarum Transsilvanarum personis nobis facta nostra valde displicenter intellexit maiestas, quodlicet ipsi universi Saxones moderni scilicet et praedecessores eorum per divos reges nostros scilicet praedecessores mediante ipsorum efficacissimis literis et literalibus instrumentis ab omni tributaria solutione ubilibet intra ambitum huius regni nostri gratiose exempti sint et supportati. Iidemque cives et hospites ac Saxones de rebus et bonis ipsorum propriis a termino ipso hucusque in nullis tributariis locis tributum solverint, sed ipsi et earum quilibet praemissa libertate et exemtione semper et ab omni tempore fieri fuissent et gavisi. Tamen vos contra huiusmodi ipsorum iura et libertates ac gratiarum praerogativas ab ipsis et eorum rebus et bonis in dictis tributorum locis tributum recepissetis et recipere facere praetenderetis etiam in futurum in eorum praeiudicium atque libertatum huiusmodi praevaricationem manifestum. Supplicarunt itaque praefati Nicolaus de Wissakna et Ladislaus Kakas ipsorum ac aliorum quorum supra nominibus et in personis nostrae maiestati, ut ipsis superinde de condigno remedio providere dignaremur opportuno. Verum cum nos dictum tributum a praefatis civibus, hospitibus [et Sa]¹⁾xonibus nostris contra praescriptas eorum libertates per vos recipere non velimus, ideo fidelitati vestrae firmiter praecipiendo mandamus, quatenus a modo in posterum contra libertates et gratiarum praerogativas dictorum civium et hospitum necnon ceterorum Saxonum super eosdem vel alteram ipsorum rebusque et bonis eorundem quibusvis nullum tributum nullamve tri-[S. 42] butariam exactionem erigere et recipi facere ullatenus praesumatis nec sitis ausi modo aliquali. Secus non facturi alioquin commisimus et serie praesentium committimus comitibus illorum comitatuum in quibus fortassis huiusmodi mandatorum nostrorum transgressores reperirentur, ut ipsi eos rebus sic se habentibus ad praemissa facientes, visis libertatibus et gratiarum praerogativis eorundem civium et Saxonum compellant et astringant aequitate suadente. Praesentes perlectas reddi iubemus praesentanti. Datum Zegedini feria sexta proxima post festum beatae Priscae virginis, anno domini millesimo quadringentesimo quinquagesimo nono.

Von der Kanzlei unten rechts: Lecta.

Auf der Rückseite gleichzeitig: Super exemtione tributi.


1) Lücke 7 mm.^{^}