Urkunde Nr. 3137 aus Band VI

Seite im UB:

26

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 190.

Druckvorlage:

nach Original

Abdruck als:

Volltext

Sprache:

Latein

---

3137

Ofen 1458 August 20 König Matthias untersagt jedermann, die Sachsen der Sieben und Zwei Stühle entgegen ihren Freiheiten mit Einlagerungen zu belästigen, und stellt sie unter den Schutz des siebenbürgischen Vizegubernators Johannes Gereb von Weingartskirchen.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis praelatis, baronibus, nobilibus, comitibus, castellanis, officialibus et generaliter cuiusvis status et conditionis hominibus tam in partibus nostris Transsilvanis, quam alias per regnum Hungariae ubilibet commorantibus salutem et gratiam. In personis fidelium nostrorum universorum universorum et singulorum Saxonum septem et duarum sedium nostrarum Saxonicalium partium nostrarum Transsilvanarum maiestati nostrae expositum fuit querulose in hunc modum. Quod licet ipsi per praedecessores nostros divos reges Hungariae in eo maxime libertati et privilegiati fuerint, ut nullus Siculorum scilicet et Wolachorum ac alterius cuiuscumque dignitatis, status et conditionis hominum contra eorum voluntatem in eorum medio ac super eos descendere posset aut praesumeret quovismodo. Tamen plurimi fuissent et essent ex vobis, qui contra huiusmodi eorum libertatem a certis temporibus retroactis cum suis gentibus super eos praeter eorum volunt atem descendentes non solum ipsis invitis eos multipliciter impedivissent¹⁾, verum etiam omnia eorum bona usui hominum, equorumque pertinentia sine omni pretio abstulissent descenderentque et aufferrent etiam de praesenti, in praeiudicium libertatis eorum memoratae. Supplicatumque extitit per nos ipsis²⁾ superinde de opportuno remedio provideri. Et quia nos eosdem Saxones nostros in omnibus eorum libertatibus per divos reges Hungariae praedecessores nostros, ipsis gratiose concessis, conservare decrevimus, ideo fidelitati vestrae praesentium serie firmiter committimus, quatenus a modo imposterum super praefatos Saxones nostros contra eorum libertates memoratas praeter eorum voluntatem, vel cum gentibus vestris vel alias quomodocumque descendere, bonaque eorum auffere non praesumatis nec sitis ausi, aut sit ausus modo aliquali. Alioquin praesentium serie firmiter committimus fideli nostro magnifico Johanni Gereb de Wyngarth, vicegubernatori dictarum partium nostrarum Transsilvanarum, ut ipse eosdem Saxones nostros in eorum libertatibus conservando ab huiusmodi impedimentis vestris eos protegat, defendat auctoritate nostra mediante. Secus ergo facere non ausuri. Praesentibus perlectis exhibenti restitutis. Datum Budae in festo beati regis Stephani, anno domini millesimo quadringentesimo quinquagesimo octavo.

Unten rechts von der Kanzlei: Lecta. [S. 27]

Auf der Rückseite unten von gleichzeitiger Hand: Ut nullus hominum in nostri medio descendat.


1) Auf Rasur.^{^}
2) Über der Zeile.^{^}