Urkunde Nr. 3136 aus Band VI

Seite im UB:

25

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 189.

Druckvorlage:

nach Original

Abdruck als:

Volltext

Sprache:

Latein

---

3136

Ofen 1458 August 20 König Matthias trägt den Adligen und Grundbesitzern Siebenbürgens auf, den Sachsen der Sieben und Zwei Stühle, die sich in den vergangenen Wirren auf ihre Besitzungen geflüchtet haben, die Rückkehr in ihre früheren Wohnorte zu gestatten.

Von der Kanzlei: Commissio propria domini regis.

Mathias dei gratia rex Hungariae, Dalmaciae, Croaciae et cetera fidelibus nostris universis et singulis praelatis, baronibus, nobilibus et alterius cuiusvis status possessionatis hominibus partium nostrarum Transsilvanarum salutem et gratiam. Intelleximus, quomodo mortuo nuper condam serenissimo principe domino Ladislao rege Hungariae praedecessore nostro exorta in partibus nostris Transsilvanis quadam seditione, quam plurimi ex Saxonibus nostris septem et¹⁾ duarum¹⁾ sedium Saxonicalium partium nostrarum Transsilvanarum ex causa seditionis huiusmodi ad vestras possessiones, tenutas et dominia aufugissent et segregati fuissent in grave damnum maiestatis nostrae. Unde nos, qui subditorum nostrorum commoda optamus, nostram etiam utilitatem servare [volentes] ²⁾, fidelitati vestrae et cuiuslibet vestrum praesentibus firmiter committimus omnino ita habere volentes, quatenus visis praesentibus, omnes illos Saxones nostros, qui de sedibus praedictis tempore in praedicto ad vestras possessiones, tenutas et dominia dispersi sunt, secundum quod iudices nostri sedibus in praedictis constituti vos superinde requisitos habuerint, cum omnibus eorum rebus et bonis ad eorum pristina habitacula remittere debeatis. Alioquin praesentium serie firmiter committimus fidelibus nostris magnifico Johanni Gereb de Wyngarth vicegubernatori nec non waywodis vel vicewaywodis partium nostrarum Transsilvanarum, ut ipsi vos et quemlibet vestrum ad hoc faciendum per omnia gravamina opportuna, arcius compellant et astringant, auctoritate nostra regia praesentibus ipsis in hac parte attributa et concessa mediante. Secus igitur facere non ausuri. Praesentibus perlectis exhibenti restitutis. Datum Budae in festo sancti Stephani regis, anno domini millesimo quadringentesimo quinquagesimo octavo.

Unten rechts von der Kanzlei: Lecta. [S. 26]


1) Mit anderer Tinte über der Zeile nachgetragen. [2x]^{^}
2) Lücke 12 mm.^{^}