Urkunde Nr. 3131 aus Band VI

Seite im UB:

20-21

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 43.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3131

Klausenburg 1458 Juli 24 Richter und Rat von Klausenburg legen dem Bistritzer Rat die Streitsache zwischen Michael Hawnschylt u.a. und Christian Rawas und Genossen zur Entscheidung vor.

Prudentibus et circumspectis viris iudici sed et iuratis civibus civitatis Bystriciensis, fratribus ipsorum carissimis et amicis, iudex et iurati cives civitatis Coluswariensis. Prudentes viri fratres ac amici sincere dilecti. In figura nostri iudicii et sedis iudiciariae praesentia comparentes honesti uterque Michael [S. 21] Hawenschylth, Stephanus et Nicolaus Alberti contra et adversus Cristannum Rawas ac Johannem et Laurencium Sygyn dictos, concives scilicet nostros proponentes, quod cum ipsi Stephanum similiter Rawas dictum filium praemissi Cristanni Rawas sub fideiussoria cautione, e vinculis quibus vestrae civitatis in medio extiterat innodatus, ad certum terminum ipsum statuendum, iure et iudicio extraxissent ipsum Stephanum statuere iudicio expeterent ac super excussione septem dentium et vulneratione gravi Nicolao Alberti facta et illata, iudicium et iustitiam fieri instanter supplicantes. Ex adverso vero Cristannus Rawas, Johannes et Laurentius Sigyn et Johannes similiter Rawas dictus fideiussores praemissi Stephani Rawas referebant responsis. Verum quidem foret, quod ipsi Stephanum filium ipsius Cristanni Rawas e vinculis per fideiussoriam excepissent cautionem. Sed cum ipsi eundem Stephanum iudicio offerre et statuere non possent per condignam reconciliationis emendam ipsi Nicolao vellent exhibere satisfactionem. Quibus itaque auditis iudex noster iudicando decrevit ut ipse Stephanus Rawas saepelato Nicolao Alberti in unius manus amputatione pro vulneratione et pro septem excussis dentibus in septem marcis argenti foret convictus, sed dicti¹⁾ Cristannus Rawas, Johannes et Laurencius Sygen fideiussores de iudicio iudicis nostri non contenti causam in nostram assumpsere decisionem. Nos vero auditis ambarum partium propositionibus pariter et responsis, iudicantes commisimus, exquo uterque Michael Hawnschilt, Stephanus et Nicolaus Alberti, saepefatum Stephanum Rawas prae manibus in ipsorum vinculis habuissent nullum iudicium ullamve iustitiam a vestris prudentiis super huiuscemodi vulnerationem et dentium excussionem petiissent sed liberum ad praemissorum fideiussionem reliquissent. Ideo lege et civitatis consuetudine requirente ipsum Stephanum non ad unius manus amputationem quin potius unius manus mutationem vel exemptionem videlicet quinque marcis argenti vel valorem earundem scilicet viginti florenis auri dumtaxat, convictum pronunciamus. Sed cum saepelati uterque Michael Hawnschilt, Stephanus et Nicolaus Alberti de. huiuscemodi nostrae sententiae prolatione non starent contenti praefixam causam in vestrarum provocarunt prudentiarum decisionem. Requirimus igitur vestras fraternitates, quatenus declarationem eiuscemodi causae in vestris scriptis nobis favorose significetis. Datum ex Coluswar in profesto beati Jacobi apostoli, anno domini et cetera LVIII^o.


1) Hierauf Johannes gestrichen.^{^}