Urkunde Nr. 4772 aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr.

Druckvorlage:

nach Original

Abdruck als:

Volltext

Sprache:

Latein

---

4772

Wien 1488 März 27 König Matthias verbietet dem siebenbürgischen Woiwoden Stephan Báthori, die Sachsen von Kronstadt und dem Burzenland zu Kriegsdiensten in Ungarn zu zwingen, da sie an den Kriegszügen in Siebenbürgen, der Moldau, Walachei und gegen die Türken teilzunehmen haben.

Von der Kanzlei: Commissio propria domini regis.

Nos Mathias dei gratia Hungariae, Bohemiae et cetera rex duxque Austriae memoriae commendamus tenore praesentium significantes quibus expedit universis, quod nos, cum ad humillime supplicationis instantia pro parte fidelium nostrorum prudentum et circumspectorum civium et incolarum civitatis nostrae Brassouiensis ac districtus terrae Barcza nobis propterea factae, tum vero pro futura eorum quiete eisdem civibus et universis dicti districtus incolis, praesentibus et futuris, id gratiose duximus annuendum et concedendum, quod si quando partes illas Transsilvanas, sive contra Thurcos, sive quoscunque alios hostes nostros et regni nostri, more exercituantium levare, et ad Hungariam evocare nos contingeret, ipsi ad huiusmodi bellum propter magni loci distantiam venire non teneantur, sed simpliciter exempti sint et supportati habeantur, teneanturque tantummodo ibidem in partibus Transsiluanis, et idem ad Moldaviam et partes Transalpinas penes nos aut vaivodas nostros earundem partium Transiluanarum exercituare, immo annuimus et concedimus, eximimusque et supportamus praesentium per vigorem. Quocirca vobis fidelibus nostris magnifico comiti Stephano de Bathor, iudici curiae noatrae, et moderno vaivodae earundem partium Transsilvanarum, futurisque vaivodis et vicevaivodis earundem partium praeterea capitaneis ac quarumcunque gentium et exercituum nostrorum levatoribus pro tempore constitutis, praesentium notitiam habituris, harum serie firmissime committimus et mandamus. Aliud nullomodo habere volentes, quatenus a modo praefatos cives et incolas dicti districtus ad ingrediendiendum aliquod bellum in dicto regno nostro Hungariae qualitercunque instaurendum, exceptis tamen praemissis exercituationibus artare et compellere, artarique seu compelli facere, aut ipsos propterea vel ipsorum alterum in personis rebusque et bonis suis quibusvis, contra formam huiusmodi gratiosae nostrae annuentiae exemtionisque impedire, turbare seu aliter quovismodo damnificare nullatenus et nullo unquam tempore praesumatis, gratiae nostrae sub obtentu. Praesentibus perlectis exhibenti restitutis. Datum in arce nostra Viennensi feria quinta proxima post festum annuntiationis beatae Mariae virginis, anno domini millesimo quadringentesimo octogesimo octavo, regnorum nostrorum anno Hungariae et cetera tricesimo primo, Bohemiae vero decimo nono.

Auf der Rückseite von der Hand des Kronstädter Notars vom Ende des 15. Jahrhunderts: Libertas ad exercituandum dumtaxat in Transsilvuaniam, Modalinam¹⁾ et Transalpinas partes et non in Vngariam.


1) So Vorlage.^{^}