Urkunde Nr. 4767 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Zunfturkunden [Documente de breaslă] (Inv. 32), Serie Z. U. I, Nr. 15.

Druckvorlage:

nach Original

Abdruck als:

Volltext

Sprache:

Latein

---

4767

Hermannstadt 1488 Januar 25 Der Rat von Hermannstadt überschreibt die bisher dem Armenspital gehörenden Fischteiche der Kürschnerzunft, die dafür dem Spital jährlich vier Gulden zu zahlen hat.

Nos magister Thomas Altenberger magister civium, iudices et iurati consules civitatis Cibiniensis memoriae commendamus tenore praesentium significantes quibus incumbit universis praesentibus et futuris, quod nos attendente ac diligenti et matura provisione considerantes, quomodo civitas nostra praefata per certarum piscinarum et praesertim pauperum hospitalis in contiguo fassatorum¹⁾ eiusdem civitatis adiacentium desolationuem et destitutionem ipsa civitas ab incursione saevissimorum Turcorum crucis Christi et christiani nominis persecurorum nisi dictae civitati in tempore provideatur in maximam periclitationem nedum nostri sed et totius regni manifestam desolationem quod absit evenire possit. Unde nos omni studio et tam# solicitudine munitionem per dictarum piscinarum reformationem ipsi²⁾civitati pervenire cupientes, prout hoc ex officiis nostris rei publicaeque comodo tenemur praedictas piscinas, quas supradicti pauperes in debito statu servare nequiverunt de voluntate et consensu venerabilis viri domini Johannis Bwrr plebani officialiumque et proviorum praedictorum pauperum necnon totius communitatis civitatis Cibiniensis praetactae circumspectis viris ac totius czechae artificii pellificum civitatis eiusdem magistris, ut ipsi easdem piscinas pro honore comodoque et illius civitatis conservationem fortificare. Mundare et meliorare teneantur perpetue tenendas et habendas concessimus et apropriavimus et ita tamen, quod dicti magistri praedictae czechae pellificum supradictis pauperibus in hospitali degentibus singulis annis pro eorum sustentatione in capite ieiunii hoc est in die cinerum³⁾ florenos quatuor sine defectu et absque ulla difficultate solvere sint obligati et tenentur. Ad quae praedicti magistri czechae pellificum nomine et in personis omnium successorum eorundem voluntare suo modo perpetue et irrevocabiliter observare coram nobis se sponte obligarunt. In cuius dispositionis reique evidentiam praesentes literas nostras petentes sigillo memoratae civitatis nostrae maiori et autentico subappenso consignatas praedictis magistris dictae czechae pellificum eorumque posterittum successoribus ad cautelam duximus concedentes. Datum Cibinii feria sexta post festum beatorum Fabiani et Sebastiani martirum, anno domini millesimo quadringentsimo octogesimo octavo.


1) Vorlage.^{^}
2) Vorlage ipse.^{^}
3) Februar 20.^{^}