Urkunde Nr. 4766 aus Band VI

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell II, Nr. 25.

Druckvorlage:

nach Original

Abdruck als:

Volltext

Sprache:

Latein

---

4766

Hermannstadt 1488 Januar 25 Der Kronstädter Ratsherr Bartholomäus Schunkabunk ersucht Richter und Rat von Kronstadt, den Petrus Beer in Angelegenheiten der Zwanzigstpacht nach Hermannstadt und an den Königshof zu entsenden.

Prudentes circumspecti viri domini et maiores mihi plurimum honorandi. Post paratam in singulis obsequendi voluntatem noverint vestrae dominationes me hesterno vesperi feliciter in Cibinium adventasse et ipso facto cum domino magistro civium ibidem multa hicinde tractavisse. Tamen inter cetera, sciant vestrae dominationes me ex verbis ipsius magistri civium multum displicenter accepisse, quod dominus Petrus Ber non fuit missus neque deputatus pro ipsa resa exequenda. Desideravit etiam idem dominus magister civium, ut ipse Petrus Ber omnibus modis ad dictam resam proficisciendam dirigatur. Quare, amantissimi domini mei, rogo, ut desiderio dicti domini magistri civium in ea parte satisfacere et ipsum Petrum Ber, si vobis consultum videbit, in civitatem Cibiniensem dirigere velitis, quia, ut idem dominus magister civium dicit, quod eundem cum amplioribus expensis etiam tandem post nos usque¹⁾ ad regiam maiestatem dimitti opportebit. Ceterum sciant vestrae dominationes quod istis novissimis diebus egregius Benedictus Literatus, alias camerarius regalium salium partium Transsilvanarum dictis ore proprio supradicto domino magistro civium nomine magnifici domini thesaurarii significare curavit, quod si istae duae civitates, scilicet nuntii earundem, inter se concordes fuerint, quod omnia eorum facta pro voluntate te complementum apud maiestatem regiara sortirentur. Quare iterum atque vestras dominationes praesentibus diligenter ammoneo, ut tam honorem vestrum quam etiam meum vobis in singulis commendatum habere et in istis²⁾ prout vobis videtur agere et procedere velitis. Dictus etiam dominus thesaurarius intimavit domino magistro civium Cibiniensi, qualiter in anno domini 1485 dum vigesima ipsa per dictum Petrum Ber arendata fuerit pro florenos 4500, quando idem unacum aliis nuntiis pro tunc illac missis, lucrum ex ea proveniens regiae maiestati medietatem dare Spopondisset, an autem hoc factum sit vel non, nuntii ipsi scirent. Valete feliciter. Ex Cibinio in festo beati Pauli conversionis, anno domini 1488.

Bartholomeus Schwnkabunck, vestrarum dominationum ad singula paratissimus.

Auf der Rückseite Adresse: Prudentibus et circumspectis viris Simoni Sarctori iudici, Johanni Craws et Johanni Mwsch, dominis maioribus meis honorandis.


1) Über der Zeile nachgetragen.^{^}
2) Hierauf gestrichen: agere^{^} .