Urkunde Nr. 3118 aus Band VI

Seite im UB:

11-12

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 42.

Druckvorlage:

nach Original

Abdruck als:

Volltext

Sprache:

Latein

---

3118

Bistritz 1458 April 18. Stephan de Hederfa und Michael Zekel, Vizegrafen von Bistritz, begnadigen alle Bürger der Stadt, die an der Erhebung gegen Michael Szilágyi beteiligt waren.

Nos Stephanus de Hederfa et Michael Zekel vicecomites Bystricienses memoriae commendamus, quod serenissimus dominus noster Mathias Hungariae et cetera rex ac magnificus dominus Michael Zylagii regni eiusdem Hungariae gubernator de et supra nota infidelitatis circumspectorum Jacobi Krechmer, Twmel, Demetri pellificis, Zaycznezeger, Georgij Eiben¹⁾ civium civitatis Bystriciensis et aliorum omnium qui tempore discordiarum et combustionis civitatis eiusdem sunt alienati et dispersi, personis rebus et bonis omnibus gratiam et misericordiam fecerunt perpetue duraturam singulos excessus et quaelibet delicta, qua²⁾ vel quaquae in laesionem regiae maiestatis ac dominos eorum naturales per recalcitrationem in obsidione castri Bystriciensis incurrerant, misericorditer relaxantes indulserunt. Quo circa et nos per humillimas civium Bystriciensium supplicationes gratiae dona praesentibus vobis participamus et gratiam fecimus, singulos excessus in nos et nostros commissos remittentes. Igitur vos et vestrum quemlibet praesentibus admonemus, affidamus et certificamus, ut ad pristina vestra habitacula domos, curias ac quaslibet hereditates libere, secure et sine timore aliquali venire ausitis atque redire valeatis moraturi nostro et nostrorum sine impedimento. Nam uti et alias vobis et vestrum cuilibet ad festum beati Georgii martiris proxime venturum³⁾ penes suas hereditates venire, terminum praefiximus et reperiamur. Ita et nunc vobis significamus securos reditus, ut visis praesentibus quantocitius poteritis repatriare debeatis. Datae⁴⁾ Bystriciae feria tertia [S. 12] proxima ante festum beati Georgii martiris, anno domini millesimo CCCC^o LVIII^o.


1) Vorlage Erben.^{^}
2) Vorlage quae.^{^}
3) 24. April.^{^}
4) Gebessert aus datis.^{^}