Urkunde Nr. 345 aus Band I

Seite im UB:

318-319

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 1867.

Druckvorlage:

nach Original

Abdruck als:

Volltext

Sprache:

Latein

---

345

Hermannstadt 1316 April 7 Die Hermannstädter Provinz bestätigt Comes Daniel von Kelling in seinem Besitz in Weisskirch.

Quoniam ea quae fiunt in tempore simul propter defluxum continuum temporis cum ipso depereunt et decurrunt et sic in se perpetuari nequeunt, consueverunt eadem et si non vivaci, saltem literarum testimonio perennari. Nos igitur comes Nycolaus filius comitis Goblini in Cybinio iudex provincialis pro tempore constitutus universitasque provincialium ad Cybinium pertinentium in notitiam universorum tam praesentium quam posterorum harum serie volumus pervenire, quod nos consideratis meritis et fidelitatibus comitis Danyelis de Kelnek ad nos in cunctis negotiis terrae habitis, hereditates quasdam in Alba ecclesia habentis, quas etiam rite et rationabiliter cum sua pecunia emendo comparavit scilicet duo molendina sita in superiori et inferiori fine eiusdem villae et cum his pratum unum adiacentibus agris, quas quidem hereditates cum idem comes Danyel possederit circa XX^ti et IIII^or annos, sine omni impetitione, quamquam villanis eiusdem villae nunc coactum partem in eisdem hereditatibus dare oportuerit et non sponte, nos eandem partitionem, cum iniuriosa fuerit, irritamus praesentibus et cassamus. Immo ipsas integras non dimembratas in suas manus restituimus et assignamus possidendas, tenendas et habendas sibi et suis heredibus heredumque suorum successoribus libere et sine omni impetitione omnium, [S. 319] quemadmodum ipsas anima non impetitus tenuit ut etiam praedictum est hereditarie et iure perpetuo reddimus possidendas. Ut ergo haec rata et inviolabilia permaneant, et ne aliquis ulterius audeat¹⁾ impetitionem aliquam pro eisdem hereditatibus contra praefatum comitem Danyelem facere aut dimembrationem aliquam in ipsis requirere, literas privilegiorum suorum super eisdem hereditatibus sibi prioribus annis traditas renovamus et ideo super his sibi praesentes contulimus in testimonium nostri sigilli munimine roboratas. Datum Cybinii, IIIIa feria in septimana Parasceve, anno domini M^o. CCC^o. X^o VI^o.


1) Vorlage: alicui ultierius ausit.^{^}