Urkunde Nr. 3069 aus Band V

Seite im UB:

565-566

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 179.

Druckvorlage:

nach Original

Abdruck als:

Volltext

Sprache:

Latein

---

3069

Gran 1457 März 12 Dionysius, Erzbischof von Gran, erteilt den Geistlichen, die den Gottesdienst der ehemaligen Ladislaus-Propstei in Hermannstadt versehen, die Erlaubnis, in der Spitalskirche und in den nicht der Hauptkirche unterstehenden Kapellen Votivmessen abzuhalten.

Dyonisius miseratione divina tituli sancti Ciriaci in thermis sacrosanctae Romanae ecclesiae presbiter cardinalis, archiepiscopus Strigoniensis locique eiusdem comes perpetuus, primas et apostolicae sedis legatus natus ac in regno Hungariae eiusdem sedis de latere legatus dilectis nobis in Christo discretis dominis presbiteris divinis¹⁾ obsequiis¹⁾ ex olim praepositura sancti Ladislai regis de Cibinio institutis in ipsa Cibinio nostrae specialis iurisdictionis existentibus salutem in domino benedictione cum paterna. Noveritis nobis pro parte vestri esse humiliter supplicatum quatenus vobis indulgere et annuere dignaremur, ut vos missas, quae votivae nuncupantur in hospitali sancti spiritus et capellis parochiali ecclesiae beatae Mariae virginis de dicta Cibinio non subiectis more solito possitis celebrare. Unde nos votis vestris in hiis paternaliter condescendentes annuimus et indulsimus immo annuimus et indulgemus per praesentes, ut vos huiusmodi [S. 566] missas superius specificatas ammodo et in antea in hospitali et capellis praelibatis absque tamen praeiudicio alieno libere et absque quorumlibet impedimento, prout moris est, celebrare et decantare possitis pariter et valeatis harum literarum nostrarum vigore et testimonio mediante. Datum Strigonii in festo beati Gregorii papae, anno domini millesimo quadringentesimo quinquagesimo septimo.


1) Auf Rasur mit blasser Tinte nachgetragen. [2x]^{^}