Urkunde Nr. 3066 aus Band V

Seite im UB:

563-564

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 178.

Druckvorlage:

nach Original

Abdruck als:

Volltext

Sprache:

Latein

---

3066

Hermannstadt 1457 Februar 25 Der öffentliche Notar Urbanus Petri von Steinau transsumiert aus dem Kirchenbuch der Pfarrkirche das Übereinkommen zwischen der Bürgerschaft von Hermannstadt und dem Pfarrer Nikolaus Rymsch von 1432 Nr. »2147 über die Verpflichtungen des Pfarrers der Hauptkirche zum Messelesen.

In¹⁾ nomine¹⁾ domini¹⁾ amen¹⁾. Anno nativitatis eiusdem millesimo quadringentesimo quinquagesimo septimo, indictione quinta, die vero Veneris, vicesima quinta mensis Februarii, hora tertia vel quasi pontificatus sanctissimi in Christo patris et domini nostri domini Calisti divina providentia papae tertii anno eius secundo, in subscriptorum testium ad hoc praesens negotium vocatorum et rogatorum praesentia in turri praetorii et consistorii oppidi Cybiniensi Strigoniensis iurisdictonis. personaliter constituti circumspecti viri Oswaldus magister civium, iudices et iurati consules, villicus ac vitricus parochialis ecclesiae gloriosissimae virginis Mariae eiusdem Cybinii habentes in eorum medio librum parochialis [S. 564] ecclesiae iam dicti Cybinii, in quo cuncta debita et dispositiones missarum scripta continentur videlicet legendarum et decantandarum tam regalium quam peculiarium in ipsa ecclesia sine defectu et negligentia celebrandarum per reverendum virum dominum Nicolaum Rymsch artium liberalium magistrum ipsius parochialis ecclesiae Cibiniensis quondam plebanum, egregii viri domini Anthonii decretorum doctoris moderni nostri plebani antecessorem inter ipsum tunc plebanum et cives Cibinienses omnibus futuris temporibus inviolabiliter observandas fideliter conscriptas reperiebatur. In eodem vero libro plura scripta per ipsum dominum Anthonium doctorem et plebanum Cybiniensem manu propria scripta habentur, eandemque seu easdem dispositiones saepius in eodem vidisset ac legisset tamen nunc eorum temporibus huiusmodi antiquas dispositiones hactenus laudabiliter et pacifice observatas in aliam formam et dispositionem contra eorum voluntatem praetenderet commutare. Tenor huiusmodi dispositionum sequitur et est talis: (Folgt das Ubereinkommen zwischen der Hermannstädter Bürgerschaft und dem Pfarrer Nikolaus von 1432 Nr. »2147). Ego¹⁾ vero¹⁾ infrascriptus¹⁾ publicus notarius supplicationibus praelibatorum magistri civium, iudicum et iuratorum consulum fore iustis et rationi consonis inclinatus praesentes dispositiones missarum et alia omnia quae pro eodem negotio forent necessaria ad petitionem eorundem magistri civium, iudicum et civium iuratorum de libro praefato, in hanc formam publicam regrossavi et inscripsi, ut ubivis locorum deferre habeat et nonnullis dominis pro eis exhiberi fides plena adhibeatur. Acta et data sunt haec anno, indictione, die, mense, hora, loco et pontificatus quibus supra. Praesentibus ibidem honorabilibus viris domino Anthonio de Cybinio crucifero ordinis sancti spiritus domus hospitalis in Cybinio rectore, Stephano de Schenk maiori, artium facultatis magistro, scolae in Cibinio rectore et villae Centumcumulis de facto plebano sed nondum sacris clericorum ordinibus ordinato, Strigoniensis iurisdictionis testibus ad praemissa vocatis et rogatis.

Notarzeichen: Et ego Urbanus Petri de Stynawia clericus Wratislaviensis diocesis publicus papali ac imperiali auctoritatibus notarius, quia praefati libri parochialis ecclesiae Cibiniensis ad praetorium portatione missarum legendarum et decantandarum lectione earundem dispositione escribi petitione, aliisque omnibus et singulis praemisis dum sic, ut praemittitur, fierent et agerentur, unacum praescriptis testibus praesens fui, eaque sic fieri vidi et audivi. Ideo praesens publicum instrumentum mea propria manu scriptum exinde confeci et publicavi et in hanc formam publicam redegi, signoque et nomine meis solitis et consuetis roborando consignavi rogatus, petitus et requisitus in fidem et testimonium omnium praemissorum.

Auf der Rückseite von gleichzeitiger Hand: disposicio missarum.


1) In verlängerter Schrift. [7x]^{^}