Urkunde Nr. 3056 aus Band V

Seite im UB:

555

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Schnell II, Nr. 16.

Druckvorlage:

nach Original

Abdruck als:

Volltext

Sprache:

Latein

---

3056

Kecskemét 1456 Dezember 17 Ladislaus von Hunyad fordert den Rat von Kronstadt auf, den von König Ladislaus gegen den ungetreuen Vlad Ţepeş aufgestellten Prätendenten Dan zu unterstützen.

Providi et circumspecti viri amici nobis honorandi. Non ignoratis, quanta incomoda dampnaque et molestiae regno et parti Transsilwano per infidelem Drakwlam vaivodam illata sunt et quatenus Wlad vaivoda partium Transalpinarum cum extra regnum suum esset mediante fide sua nobis et domino nostro regi multa promiserit. Tamen postquam regnum suum adeptus est, sicuti a certo intelleximus in partibus illis plura incomoda et dampna intullit et imposterum inferre timetur nec aliquam fidelitatem domini nostro regi et nobis sicuti promiserat servare intendit et quod dominus noster rex volens partes illas illaesas praeservare misit hunc Daan vaivodam contra praefatum Wlad vaivodam, ut ipsum de suo regno eicere et regno eodem ipse vaivoda fieri debeat, qui domino nostro regi¹⁾ omnimodam fidelitatem tenere promisit et huic regno. Ideo vestras amicitias praesentibus rogamus multum diligenter, quatenus praefato Daan vaivodae propter nostrum favorem cum omni auxilio et subsidio quibus poteritis fieri velitis et adesse et gentes quas poteritis penes ipsum dare velitis et aliud petimus non faciatis. Datum in Kechkemeth feria sexta proxima ante festum beati Thomae apostoli, anno domini millesimo quadringentesimo quinquagesimo sexto. Ladislaus de Hunyad, comes Bistriciensis, agazonum regalium magister ac regni Hungariae capitaneus generalis.

Von der Kanzlei: Commissio propria domini comitis Ladislai Bistriciensis.

Auf der Rückseite Adresse: Circumspectis et providis viris iudicibus, iuratis ceterisque civibus universis civitatis Brassouiensis et terrae Barcza amicis nobis honorandis. [S. 556]


1) Über der Zeile.^{^}