Urkunde Nr. 3055 aus Band V

Seite im UB:

554-555

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 500 - Abt. 13: K. A. Heltau [Parohia Ev. CA Cisnadie], Nr. 11.

Druckvorlage:

nach Original

Abdruck als:

Volltext

Sprache:

Latein

---

3055

Mühlbach 1456 Dezember 13 Jakob Aurifaber und Michael Gereeb, Richter von Stadt und Stuhl Mühlbach, beurkunden eine Zeugenaussage des Grafen Lorenz von Rothberg, die Hattertgrenze zwischen Heltau und Michelsberg betreffend.

Nos Jacobus Aurifaber et Michael Gereeb, iudices civitatis ac sedis Millempach, necnon Jacobus Tewffel et Georgius Crws, iurati cives civitatis eiusdem, tenore praesentium pandimus universis quibus expedit, quomodo nobilis ac circumspectus vir Laurencius comes de Ruffomonte nostrae civitatis iamdictae commansor ad instantissimas preces providorum virorum Oswaldi Barth villici de Helta et magistri Ludouici eadem in lecto suae egritudinis bona cum ratione se coram nobis erigens conscientiose et recognoscens, quomodo ipse ante curricula certorum annorum unacum nobilibus et sagacibus viris utputa Hedenrico de Alczna boni recordii et Anthonio Trawtemberger tunc temporis magistro civium civitatis Cybiniensis in dote venerabilis viri domini Johannis Bortsch, plebani in monte sancti Michaelis, pariter fuissent constituti apud quos quidem fidedigni [S. 555] viri inhabitatores ipsius villae per fenestram ipsius domus respicientes libera et spontanea voluntate ipsorum fassi fuissent, territorium providorum hominum de Helta sub tect<o>¹⁾ stillicidii eiusdem domus finem suum terminare et ortum praetitulati domini Johannis plebani sub castro sancti Michaelis iacentem etiam de essentia dicti territorii Pfeningzyffin vulgariter dictam in medio alti montis et silvae Dryroek iacere de quo supradictus nobilis vir Laurencius plene conclusum coram provincialibus septem sedium Saxonicalium et cetera fuisse fatebatur, ut quicumque de praefata villa sancti Michaelis ligna pro suo usu a dicta silva Dryroek optaret portare semper licentiam a villico Heltensium sub pena pingnorationis requirere deberet nec licentia seu autoritas ipsis per eundem villicum denegari deberet. In cuius rei testimonium praesentes nostras sigilii ipsius saepedicti Laurencii comitis munimine duximus consignandas. Datum Millembach, die beatae Luciae virginis, anno incarnationis M^o CCCC^mo LVI^to .


1) Lücke.^{^}