Urkunde Nr. 3049 aus Band V

Seite im UB:

549-550 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 175.

Druckvorlage:

nach Original

Abdruck als:

Volltext

Sprache:

Latein

---

3049

Futak 1456 Oktober 31 König Ladislaus gibt den siebenbürgischen Adligen bekannt, dass die Hermannstädter Münzkammer neue Münzen prägt, teilt ihnen den [S. 550] Kurswert der beiden Nominale, Denar und Heller, mit und befiehlt ihnen, diese Münze anzunehmen.

Ladislaus dei gratia Hungariae, Bohemiae, Dalmaciae, Croaciae et cetera rex, Austriaeque et Stiriae dux necnon marchio Morauiae et cetera fidelibus nostris universis et singulis nobilibus partium nostrarum Transsiluanarum salutem et gratiam. Quia¹⁾ in hieme proxime praeterita nobis in hoc regnum nostrum Hungariae intrantibus reperimus ipsum ex crebra mutatione ac vilitate monetarum non modica suscepisse imcommoda. Ideo licet eotunc ex deliberatione praelatorum et baronum nostrorum decreverimus quandam monetam argenteam in regno nostro Hungariae praedicto et in quibuslibet cameris in una et eadem lega, forma, pondere et effigie cudendam, prout in aliis literis nostris superinde emanatis clarius continetur, quae moneta in camera nostra Cibiniensi et in certis aliis cameris cusa extiterit et in aliquibus locis per aliquod tempus cursum habuerit. Tamen rumore et querela nostrorum regnicolarum invalidam percepimus²⁾ et intelleximus monetam ipsam in lega et numero praedictis pro communi bono ac deductione expensarum communium gravem esse et intolerabilem. Quapropter nos de eorundem praelatorum, baronum ac procerum regni nostri habita superinde matura deliberatione, suppressa et mutata priori moneta nostra, aliam novam monetam regno et regnicolis nostris in omnibus factis et negotiationibus expensisque et aliis expeditionibus comodosiorem et utiliorem in omnibus cameris regni nostri Hungariae sub lega, modo, forma et effigie, in aliis literis nostris exinde confectis, denotatis et specificatis, quorum ducenti pro uno floreno auri monetam etiam minorem filer, quorum quadringenti pro uno quoque floreno auri cursum habebunt et recipi debeant in praedicta camera nostra Cibiniensi et aliis cameris nostris < >³⁾ commisimus et laborari. Quapropter fidelitati vestrae firmiter praecipimus et mandamus, quatenus praefatam monetam in vera lega cusam, bene dealbatam, monetatam et effigiatam ducentos denarios monetam autem filer quadringentos denarios in quibuscumque negotiationibus, foriationibus emptionibusque et venditionibus vestri in medio pro uno floreno recipiatis et ab omnibus recipi faciatis et cursum habere permittatis omnibus modis. Et aliud nullo modo facere praesumatis gratiae nostrae sub obtentu. Et haec volumus per fora et alia loca publica ubique palam facere proclamari. Praesentibus perlectis exhibenti restitutis. Datum in oppido Fwthak in vigilia festi omnium sanctorum, anno domini millesimo quadringentesimo quinquagesimo sexto, regnorum autem nostrorum anno Hungariae et cetera decimo septimo, Bohemiae vero quarto.

Von der Kanzlei: Commissio propria domini regis ex deliberatione praelatorum et baronum.

Auf der Rückseite von einer Hand des 15. Jh.s.: Super receptione monetae novae nobilibus.


a) Seitenumbruch im Kopfregest.^{^}

1) Hierauf nos gestrichen.^{^}
2) Gebessert aus praecipimus. ^{^}
3) Lücke 3,7 cm.^{^}