Urkunde Nr. 3046 aus Band V

Seite im UB:

547-548

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 173.

Druckvorlage:

nach Original

Abdruck als:

Volltext

Sprache:

Latein

---

3046

Futak 1456 Oktober 29 König Ladislaus verbietet allen Zollinhabern des Königreichs Ungarn sowie den königlichen Zollinhabern, für die Zufuhr von Blei, Eisen und Lebensmitteln zur Hermannstädter Münz- und Bergkammer Zölle einzuheben.

Ladislaus dei gratia Hungariae, Bohemiae, Dalmaciae, Croaciae et cetera rex, Austriaeque et Stiriae dux necnon marchio Morauiae et cetera universis et singulis praelatis, baronibus, comitibus, castellanis, nobilibus et alterius cuiusvis status et conditionis possessionatis hominibus, item civitatibus, oppidis et villis ipsarumque rectoribus, iudicibus et villicis necnon tributariis vel vicetributariis nostris scilicet regalibus et aliorum quorumcumque ubique¹⁾ in regno Hungariae ac partibus²⁾ nostris²⁾ Transsiluanis [ ]³⁾ constitutis et existentibus praesentium notitiam habituris salutem et gratiam. Cum antiqua lege et consuetudine camerarum cusionis monetarum urburarumque et montanarum nostrarum regalium requirente de plumbo, ferro, victualibus et aliis rebus pro huiusmodi cameris nostris necessariis ad easdem adducendis non sit licitum neque convenit de iure aliquod exigi tributum; ideo vestrae et cuiuslibet vestrum fidelitati firmiter praecipimus et aliud habere nolentes mandamus, quatenus imposterum de plumbo, ferro, victualibus et aliis quibuscumque rebus ad cameram cusionis monetarum ac urburarum et montanarum nostrarum regalium Cibiniensium undecumque et de quibuscumque partibus apportandis et adducendis ac de apportatoribus earundem nullum tributum seu quamcumque solutionem tributariariam in locis praedictorum tributarum petere et exigere petique et exigi facere, immo conductores et apportatores eorundem in vestris possessionibus, honoribus, officiolatibus ac vestri in medio impedire, molestare et dampnificare nusquam et nequaquam praesummatis nec sitis ausi modo aliquali. Alioquin commisimus et harum serie firmiter committimus fidelibus nostris comitibus [S. 548] vel vicecomitibus et iudicibus nobilium illorum comitatum, ubi praemissa nostra mandata non observarentur, ut ipsi vos et quemlibet vestrum ad id faciendum per vestra dampna et gravamina arcius compellant et astringant, nostra auctoritate ipsis praesentibus in hac parte attributa mediante. Aliud ergo facere non ausuri gratiae nostrae sub obtentu. Praesentibus perlectis exhibenti restitutis. Datum in Fwthak feria sexta proxima post festum beatorum Symonis et Judae apostolorum, anno domini millesimo quadringentesimo quinquagesimo sexto, regnorum nostrorum anno Hungariae et cetera decimo septimo, Bohemiae vero quarto.

Von der Kanzlei: Commissio propria domini regis ex deliberatione praelatorum et baronum.

Von der Kanzlei am unteren Rande links: Lecta.

Auf der Rückseite von einer Hand des 15. Jh.s: Super exemptione tributi camerae Cibiniensis facta de plumbo et ferro et cetera.


1) Vorlage ubiqueq.^{^}
2) Auf Rasur. [2x]^{^}
3) Hierauf radierte Lücke 0,9 cm.^{^}