Urkunde Nr. 3024 aus Band V

Seite im UB:

533-534

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Bischofsurkunden [Colecţia de documente episcopale] (Inventar 1), B. U. Nr. 23.

Druckvorlage:

nach Abschrift

Abdruck als:

Volltext

Sprache:

Latein

---

3024

Hermannstadt 1456 Juni 3 Die Sieben Stühle entscheiden den Besitzstreit zwischen der Gemeinde Deutsch-Pien und den Erben des verstorbenen Königsrichters von Mühlbach, Grafen Nikolaus, und sprechen den Deutsch-Pienern die strittige Hälfte von Pianul de Sus zu.

Nos Osualdus magister civium Cibiniensis, comes Laurentius de Ruffomonte, iudex regius sedis Rewsmarkth¹⁾, comes Petrus de eadem, comes Cibiniensis et de Lewskirch, Johannes Aurifaber, magister civium Segesvariensis, comes Jacobus de praefata Ruffomonte, iudex regius sedis Rewpes, Ladislaus iudex regius de Bros, Melchior Aurifaber, iudex terrestris Cibiniensis, Petrus Molner et Nicolaus Rewsze, iurati cives loci eiusdem, Nicolaus Bewdner locumtenens iudicis regii ac Valentinus similiter Bewdner iudex terrestris de Segesvar, Johannes Nonnenclepel alias magister civium de eadem, Nicolaus Wessewder de insula Christiana, Jacobus Aurifaber, vicesgerens iudicis regii et Michael Gereb, iudex terrestris de Mewlembach item Johannes Feer dictus, locumtenens iudicis regii de Schenk, alter Johannes Claren iudex terrestris sedis Rewpas praedictae, Urbanus²⁾ Greb iudex terrestris sedis Rewsmarth ac Laurentius Peer³⁾, iudex terrestris sedis Lewschkirch ceterique universi ac singuli iudices et iurati seniores septem sedium Saxonicalium partium Transsiluanarum memoriae commendantes vigore praesentium significantes quibus expedit universis, quod nobis in hac civitate Cibiniensi in pracsenti nostra generali congregatione iudiciaria more nostro solito pro tribunali pariter consedentibus comparuerunt coram nobis providi viri Michael Greb dictus de Colosvar filius quondam comitis Nicolai iudicis regii de antelata Mewlenbach ac Zanobia Italicus de Florentia, concivis civitatis Cibiniensis sororius eiusdem, in sua ac honestae dominae Anna vocatae filiae videlicet praefati quondam comitis Nicolai consortis utpote suae legitimae personis tamquam actores ab una ac Simon Benk villicus et Johannes Teeles⁴⁾ alter Johannes Lwtk⁵⁾ ac Jacobus Carnifex iurati de Peen Saxonicali sedis Mwlenbach veluti rei et in causam attracti in suis ac ceterorum iuratorum seniorum ac totius communitatis de eadem nominibus et personis praesentibus ex altera et per eosdem Michaelem et Zanobiam contra antelatos Symonem utrumque Johannem et Jacobum necnon totam communitatem de praeiamfata Peen Saxonicali querulose exstitit propositum in hunc modum. Qualiter licet progenitores ipsorum videlicet Michaelis et dominae Annae in pacifico et quieto dominio medietatis possessionis Olahpeen vocatae perstiterunt ipsaque medietas per obitum praefati comitis Nicolai genitoris ac nobilis dominae Dorothea vocatae genetricis eorundem ad ipsos tamquam veros, immediatos et legitimos heredes iure hereditario et successorio devoluta exstitent. Nihilominus tamen praefati villicus, seniores et tota communitas eandem ipsis praeter [S. 534] omnem viam iuris usurpassent minus licite et potentia ipsorum mediante occupassent et iam a pluribus retroactis annis detinuissent occupatam tenerentque etiam de praesenti in praeiudicium et damnum ipsorum satis magnum, requirentes nos quatenus ipsis superinde de opportuno iuris remedio providere dignaremur. Qua actione proposita praedicti in causam attracti suis et nominibus quorum supra responderunt illico taliter ex adverso. Quod ipsi et tota communitas de praefata Peen Saxonicali praememoratam medietatem possessionis Olahpeen non minus licite seu potentialiter, aut alio quocumque illicito et iniusto modo hactenus habuissent neque haberent aut possiderent sed progenitores et praedecessores eorum eandem sibi iusto et vero emptionis titulo a quondam Laurentio Haan dicto, cive de supradicta Colosvar, sororio videlicet praenominatorum Michaelis Greb et dominae Annae appropiassent literaeque ipsorum privilegiales superinde emanatae tempore devastationis patriae per crudelissimos Turcos hostiliter factae, fuissent ammissae. Unde nos auditis et sane intellectis ambarum partium positionibus, allegationibus et responsionibus ex idoneo et sufficienti testimonio cognovimus et comperimus saepedictos seniores et communitatem de Peen Saxonicali medietatem possessionis praedictae, quae in et sub libertatibus et iuribus supradictarum septem sedium et consequenter nostris fore censetur iusto emptionis titulo possedisse et praesentialiter nominis vocabulo vocitatis praedictis senioribus⁶⁾ possidere. Igitur nos solum deum et eius iustitiam prae oculis habentes praenotatam medietatem possessionis Olahpeen cum universis et singulis eius utilitatibus et iuribus quovis nominis vocabulo vocitatis praedictis senioribus et toti communitati de Peen Saxonicali eorumque successoribus et posteris universis haec nostra definitiva sententia mediante adiudicavimus et per praesentes adiudicamus per ipsos et eorum successores et posteros universis iure perpetuo possidendam, tenendam pariter et habendam, saepedicto Michaeli Greb et dominae Annae ac eorum haeredibus superinde perpetuum silentium imponentes harum nostrarum literarum quas appendenti sigillo nostro maiori provinciali fecimus communiri vigore et testimonio mediante. Datum Cibinii in generali nostra iudiciaria congregatione octava die festi sacratissimi corporis Christi, anno eiusdem millesimo quadringentesimo quinquagesimo sexto.


1) Abschrift des 18. Jh.s Reussmarck. ^{^}
2) Abschrift des 18. Jh.s Jacobus. ^{^}
3) Abschrift des 18. Jh.s Beer. ^{^}
4) Abschrift des 18. Jh.s Toklos. ^{^}
5) Abschrift des 18. Jh.s Lück. ^{^}
6) Fehlt ab praesentialiter in der Abschrift des 18. Jh.s.^{^}