Urkunde Nr. 3019 aus Band V

Seite im UB:

529-530

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 55.

Druckvorlage:

nach Original

Abdruck als:

Volltext

Sprache:

Latein

---

3019

Ofen 1456 Mai 6 König Ladislaus verbietet den Szeklergrafen und ihren Stellvertretern, die Zehnten von Cernatu, Satulung, Turcheş und Baciu, die zur Michaelskirche in Cernatu gehören, durch die Kastellane von Törzburg beanspruchen zu lassen.

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae rex et cetera Austriaeque et Styriae dux necnon marchio Morauiae et cetera, fidelibus nostris magnificis comitibus Siculorum vel eorum vicecomitibus, praesentibus et futuris praesentium notitiam habentibus salutem et gratiam. Exponit nobis fidelis noster reverendissimus in Christo pater dominus Dionisius cardinalis archiepiscopus Strigoniensis supremus cancellarius noster, quod licet alias villas Zenthmihal, Nagfalw, Thwrkester et Bachfalw quidam Valachi schismatici inhabitassent, tamen postea, pulsis eisdem Valachis, ipsae villae ad manus Christianorum devenissent, qui quidem Christiani decimas suas praediales parochiali ecclesiae sancti Michaelis in praefata possessione Zenthmihal fundatae iure solvere deberent, quas nunc decimas vos occupassetis occupatasque castro nostro Thurch vocato appropriassetis et appropriatis castellani vestri in dicto castro commorantes uterentur etiam de praesenti, in praeiudicium [S. 530] ipsius ecclesiae parochialis et damnum. Et quia decimae iure divino non saecularibus sed ecclesiasticis dari debent, ideo fidelitati vestrae et cuilibet vestrum firmiter praecipientes mandamus, quatenus receptis praesentibus rebusque sic stantibus a modo deinceps de huiusmodi decimis ad ipsam parochialem ecclesiam Zentmihal, ut dicitur spectantibus vos nequaquam intermittatis sed ipsas plene et integre praefatae ecclesiae administrari faciatis. Secus facere non ausuri in praemissis. Praesentibus perlectis exhibenti restitutis. Datum Budae in festo ascensionis domini, anno domini millesimo quadringentesimo quinquagesimo sexto, regnorum autem nostrorum anno Hungariae decimo sexto¹⁾, Bohemiae vero tertio.

Unten rechts von der Kanzlei: lecta g.


1) Fehlt bei Benkö.^{^}