Urkunde Nr. 3016 aus Band V

Seite im UB:

528

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1848.

Druckvorlage:

nach Original

Abdruck als:

Volltext

Sprache:

Latein

---

3016

Ofen 1456 Mai 1 König Ladislaus trägt den Kammergrafen von Salzburg auf, dem Peter und Paulkloster in Kronstadt jährlich 50 Goldgulden zuzuweisen.

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera fidelibus nostris camerariis vel vicecamerariis salium nostrorum de Wyzakna nunc constitutis et in futurum constituendis salutem et gratiam. Quia nos ob spem et devotionem quam ad ordinem sancti Dominici fratrum praedicatorum gerimus, tum etiam inopiae et paupertati fratrum dicti ordinis praedicatorum in claustro Petri et Pauli apostolorum in civitate nostra Brassouiensi fundato degentium compatientes pro reformatione praefati claustri victuque et amictu eorundem fratrum annis singulis de¹⁾ praedicta camera in Wyzakna quinquaginta florenos auri circa festum beati Johannis baptistae²⁾ per vos dari deputavimus et administrare. Ideo fidelitati vestrae firmiter praecipimus et aliud habere nolentes mandamus, quatenus praefatis fratribus in claustro iam dicto degentibus durante nostro beneplacito singulis praefatos quinquaginta florenos auri cum salibus circa praedictum festum beati Johannis baptistae nostrae maiestatis ad rationem dare, solvere et administrare modis omnibus et sine difficultate ac renitentia aliquali debeatis. Et aliud nullo modo facere praesumatis gratiae nostrae sub obtentu. Praesentes quoque post earum lecturam semper reddi iubemus praesentanti. Datum Budae in festo beatorum Philippi et Jacobi apostolotum, anno domini millesimo quadringentesimo quinquagesimo sexto, regnorum autem nostrorum anno Hungariae et cetera sexto decimo, Bohemiae vero tertio.


1) Über der Zeile.^{^}
2) Juni 24.^{^}