Urkunde Nr. 33 aus Band I

Seite im UB:

21-22

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 11, fol. 258 recto et verso.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

33

Rom im Lateran [1222] Juni 21 Papst Honorius III. beauftragt den Bischof von Waitzen und die Pröpste von Egres und Waitzen, die Bedrückung der Abtei Kolozsmonostor durch den siebenbürgischen Bischof zu untersuchen und die streitenden Parteien vor den päpstlichen Stuhl zu rufen.

Honorius episcopus ..... venerabili fratri . .¹⁾ episcopo Waciensi et abbati . . Egriensi Cenadiensis diocesis et . . praeposito Waciensi salutem ..... Gravem dilectorum filiorum ......abbatis et conventus monasterii beatae Mariae de Clus recepimus quaestionem, quod cum monasterium ipsum quod ad nos nullo medio pertinet, non solum apostolicae sedis sed etiam regalibus fuisset privilegiis communitum, bonae memoriae Wilhelmus episcopus Albensis sequens tyrannidem Adriani praedecessoris sui, qui olim destructo eodem monasterio L. antecessorem ipsius abbatis crudeliter captivarat, eundem abbatem et duos ex fratribus suis una cum R. J. A. et E. canonicis Albensibus et quibusdam aliis dei timore postposito cepit immaniter, et eis traditis custodiae carcerali supradictum monasterium violenter aggrediens, privilegium ipsi ab apostolica sede mdultum igne combussit et eius regale privilegium aqua [S. 22] delevit. Unde cum abbas et conventus praefati amissis privilegiis ab iniuriatorum suorum calumniis nequiverunt postmodum se tueri, monasterium ipsum quod bonorum temporalium ubertate floruerat ad tantam inopiam est deductum, quod fratres ibi domino servientes sufficientiam panis habere non poterant, unde suo satisfacerent exactori, et ne possent ab imminentibus oppressionibus respirare, famuli episcopi memorati et canonicorum Albensium suae paupertatis residuum in superfluis comessationibus consumpserunt. Unde nobis humiliter suppliearunt, ut ne quod absit per amissionem privilegiorum suorum monasterium ipsum penitus destruatur, paterna sibi dignaremur sollicitudine providere, facientes eis suae libertatis privilegium innovari et de praedictis iniuriis iustitiam exhiberi. Quocirca discretioni vestrae per apostolica scripta districte praecipiendo mandamus, quatenus vocatis, qui fuerint evocandi, et inquisita super praemissis omnibus plenius veritate, quae inveneritis infra quatuor menses post susceptionem praesentium vestris nobis literis fideliter intimetis, praefigentes partibus terminum competentem, quo se nostro conspectui per se vel per procuratores idoneos repraesentent, quod super hiis statuerimus, recepturi. Quod si non omnes ..... Non obstante constitutione concilii generalis, qua cavetur, ne quis ultra duas dietas extra suam diocesim per literas apostolicas ad iudicium trahi possit. Datum Laterani, XI. Kalendas Julii, pontificatus nostri anno sexto.


1) Briccius.^{^}