Urkunde Nr. 3012 aus Band V

Seite im UB:

525-526 ^a)

Druckvorlage:

nach Einschaltung (Insert)

Abdruck als:

Volltext

Sprache:

Latein

---

3012

Ofen 1456 April 24 König Ladislaus verbietet allen Zolleinnehmern von den Bewohnern von Salzburg Zölle anzuheben. [S. 526]

Von der Kanzlei: Relatio domini episcopi Waradiensis cancelarii.

Nos Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera vobis universis et singulis tributariis et vicetributariis ac aliis cuiusvis status et conditionis hominibus praesentes visuris firmiter praecipimus et mandamus, quatenus hospites et incolas et incisores salium nostrarum regalium in oppido nostro Wyzakna commorantes pro victuum ipsorum necessaria acquisitione hincinde proficiscentes dum ad vestras terras, tenutas et possessiones ac vestri in medium pervenerint minus iuste et indebite impedire, molestare et damnificare ac contra eorum iura et antiquas libertates a divis regibus nostris scilicet praedecessoribus eis gratiose uti dicitur¹⁾ concessas ab ipsis et ipsorum rebus et bonis tribut um et solutionem tributariam petere et exigere nusquam et nequaquam praesumatis nec sitis ausi modo aliquali gratiae nostrae sub obtentu. Praesentes quoque post earum lecturam reddi iubemus praesentanti. Datum Budae in festo beati Georgii martiris, anno domini millesimo quadringentesimo quinquagesimo sexto, regnorum nostrorum anno Hungariae et cetera sexto decimo, Bohemiae vero tertio.


a) Seitenumbruch nach Kopfregest.^{^}

1) 1791 uten. ^{^}