Urkunde Nr. 3008 aus Band V

Seite im UB:

522

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

3008

Ofen 1456 April 9 König Ladislaus beauftragt den Konvent von Kolozsmonostor, Simon Magnus von Nadesch in den Besitz der Hälfte von Racoviţa einzuführen.

Ladislaus dei gratia Hungariae Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris conventui ecclesiae de Klusmonstra salutem et gratiam. Cum nos pro fidelibus servitiis fidelis nostri Symonis Magni de Nadaz nobis exhibitis et impensis directam et aequalem medietatem possessionis Regen vocatae in comitatu Albensi¹⁾ partium Transsiluanarum existentis, in cuius pacifico dominio ipse Symon a certis annis retroactis item totum et omne ius nostrum regium, si quod in eadem medietate possessionis qualitercumque haberemus aut nostram ex quibuscumque causis modis et rationibus concerneret maiestatem simul cum cunctis suis utilitatibus et pertinentiis quibuslibet praemissi sic ut praefertur stantibus et se habentibus, dummodo non sít²⁾ possessio regalis aut ad castra regalis aut terras Saxonum vel Siculorum non pertineat, memorato Symoni suisque heredibus et posteritat ibus universis novae nostrae donationis titulo vigore aliarum literarum donationalium exinde confectarum in perpetuum contulerimus velimusque ipsum Symonem in dominium eiusdem et ipsius iuris nostri regii per nostrum et vestrum homines legitime facere introduci. Ideo fidelitati vestrae mandamus, quatenus vestrum mittatis hominem pro testimonio fidedignum, quo praesente Petrus de Wezewda aut Gregorius de Hydegwyz vel Paulus sive Michael de Hywsfalwa seu Thomas Porkolab de Poka aliis absentibus homo noster ad facies dictae medietatis possessionis consequenterque iuris nostri regii in eadem habiti vicinis et commetaneis eiusdem universis inibi legitime convocatis et praesentibus accedentes introducat memoratum Symonem in dominium eiusdem et ipsius iuris nostri regii statuatque eandem et idem <eidem>³⁾ simulcum cunctis suis utilitatibus et pertinentiis quibuslibet praemissae nostrae donationis titulo ipsis incumbent perpetuo p<ossidendum, si>⁴⁾ non fuerit contradictum, contradictores vero si fuerit evocet eosdem contra annotatum Symonem nostram in praesentiam a<d terminum competent>em⁵⁾ rationem contradictionis eorum reddituros. Et post haec huiusmodi introductionis et statutionis seriem cum cont<radictorum e>vocatorum, ⁶⁾ si qui fuerint, vicinorumque et commentaneorum, qui praemissae statutioni intererunt nominibus terminoque assignato <nobis fi>⁵⁾deliter rescribatis. Datum Budae feria sexta <proxima post>⁶⁾ festum beati Ambrosii confessoris, anno domini millesimo quadringentesimo quinquagesimo sexto, regnorum nostrorum anno Hungariae decimo sexto. Bohemiae vero tertio.

Auf der Rückseite Adresse: Fidelibus nostris conventui ecclesiae de Klwsmonstra pro Symone Magno de Nadaz. Introductoria et statutoria.

Unten links von der Kanzlei: Lecta. [S. 523]


1) So Vorlage.^{^}
2) Bestätigungen etiam si.^{^}
3) Lücke 1,2 cm.^{^}
4) Lücke 1,7 cm.^{^}
5) Lücke 1,9 cm. [2x]^{^}
6) Lücke 2 cm. [2x]^{^}