Urkunde Nr. 338 aus Band I

Seite im UB:

313-314

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr.
1827.

Druckvorlage:

nach Original

Abdruck als:

Volltext

Sprache:

Latein

---

338

Weissenburg 1315 Mai 4 Benedikt, Bischof von Siebenbürgen, bezeugt, dass Comes Nikolaus die villa Bun dem Weissenburger Kapitel geschenkt hat.

Frater Benedictus miseratione divina episcopus Transsiluanus universis Christi fidelibus tam praesentibus quam futuris praesentes literas inspecturis salutem in omnium salvatore. Ius postulat et consentaneum fore dignoscitur rationi, ut humanorum actuum effectus, quibus longitudo temporis oblivio caligine novercari consuevit, instrumentorum fidei commendentur et scripturis authenticis in perpetuam rei memoriam solidentur. Proinde ad universorum notitiam harum serie volumus pervenire, quod nobilis vir comes Nicolaus filius quondam Dees personaliter coram nobis constitutus divino iudicio asserens, se expertem solatii heredum, salubriter cogitans caelestia terrenis praeponere ac corruptibilia incorruptibilibus permutare, confessus est ac proposuit, capitulum ecclesiae nostrae in possessione ac villa sua Bun vocata circa fluvium Kukulleu maiorem existente titulo permutationis super possessionibus suis hereditariis ad se devoluta constituisse heredem et constituit coram nobis ipsamque villam Bun cum molendino et vinea ac aliis omnibus utilitatibus et pertinentiis suis dedit et donavit iure donationis inter vivos ac iure donationis causa mortis praedicto capitulo ecclesiae nostrae, sentiens et intelligens praedictus comes Nicolaus quia non intelligitur sine herede decedens Jesum Christum constituit sibi heredem ipsamque villam eidem capitulo assignavit iure perpetuo et irrevocabiliter possidendam, tenendam et habendam, talibus tamen conditionibus interiectis, ut ipsum capitulum fructus decimarum praedictae villae Bun usque ad vitam ipsius comitis Nicolai ad usum vitae suae conferret,¹⁾ quos ipsi fratres nostri de capitulo gratanter eidem usque ad vitam suam contulerunt coram nobis. Insuper voluit et ordinavit praedictus comes Nicolaus, ut per sex annos a data praesentium usumfructum praedictae villae Bun in omnibus proventibus et obventionibus suis capitulo tamquam vero domino sustinente percipiat sicut prius, si protelatur in tantum sibi vita, si autem ante medioque tempore deo vocante decesserit, ex tunc et incontinenti prae- [S. 314] dictum capitulum in possessionem ipsius villae Bun omnium iurium suorum tamquam verus heres constitutus ac etiam iure donationis causa mortis intret pleno iure, sexto vero anno completo eoque comite Nicoiao vivo existente vel si vivus exstiterit, eadem villa cum omnibus utilitatibus et pertinentiis, usufructu [decimarum]que iuribus et obventionibus suis similiter ad ipsum capitulum iure donationis inter vivos iureque heredis constituti devolvatur et devoluta habeatur, ipso comite Nicolao molendino suo ac vinea sua fructibus decimarumque collatis pro usu suo ad vitae suae sustentationem tantum contentato. Item obtinuit idem comes Nicolaus, quia iam patronus ecclesiae existit, ut usque vitam suam officialis iudex in ipsa villa existat et alium usque ad vitam suam ipsum capitulum non imponat, quod ipsi fratres nostri liberaliter annuerunt. Haec fuit et exstitit ipsius comitis Nicolai plenae studium voluntatis, ut ipsa villa Bun cum omnibus utilitatibus et pertinentiis suis omni iuris beneficio iure videlicet donationis inter vivos iureque donationis causa mortis iure constitutionis sibi heredis iureque legati codicilli testamentarioque ac per omnem viam vel si non per unam etiamque per aliam, si non uno iure, tamen alio ob favorem ecclesiarum introductis ad ipsum capitulum devolvatur ac devoluta habeatur, et pacifica eiusdem villae proprietate ac possessione ipsum capitulum utatur pleno iure ac perpetuo. Ad instantiam igitur praedicti comitis Nicolai ac capituli ecclesiae nostrae, quia idem comes Nicolaus ad praesens ad alia capitula secundum regni consuetudinem ire non potuit ad instrumenta conficienda, tamen se quanto citius et commodius poterit ire promisit et assumpsit, praesentes concessimus literas sigilli nostri munimine roboratas. Datum Albae, quarto die octavarum beati Georgii martyris, anno domini M^o. CCC^o. quinto decimo.


1) Vorlage: conferrent.^{^}