Urkunde Nr. 3000 aus Band V

Seite im UB:

514-515

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Nr. 15.

Druckvorlage:

nach Original

Abdruck als:

Volltext

Sprache:

Latein

---

3000

Tövis 1456 Januar 1 ^a) Johannes von Hunyad schenkt Michael Zekel und Stefan de Hederfa, Kastellanen der Bistritzer Burg, seinen Beche genannten Besitz in der Stadt Bistritz.

Nos Johannes de Hunyad comes perpetuus Bistriciensis memoria commendantes tenore praesentium significamus universis quibus expedit, quod nos consideratis et pensatis multiplicibus fidelium servitiorum gratuitorum meritis egregiorum Michaelis Zekel et Stephani de Hederfa, castellanorum castri nostri Bistriciensis, per nos nobis et sacro regio dyademati constanter exhibitis et impensis volentes ut etiam aliquid commodi a nobis pro huiusmodi ipsorum fidelibus servitiis reportent. Tumque pro eorum sallario puta septingentis florenis auri puri Hungaricalis quibus eisdem obligamur domum seu fundum Beche vocatam in dicta civitate nostra Bistriciensi fundatam, cum universis et quibuslibet [S. 515] utilitatibus et pertinentiis puta quibusdam aliis domibus ipsi domui vicinantibus et ad eandem spectantibus nimirum mollendinorum locis et vinearum possessionibus ad eandem domum de iure ab antiquo pertinere debentibus, eisdem Michaeli Zekel et Stephano de Hederfa, castellanis nostris Bistriciensibus, perpetuo damus, donamus et contulimus immo dedimus, donavimus et contulimus iure perpetuo et irrevocabiliter tenendam, possidendam et habendam ipsis eorumque haeredibus et posteritatibus universis ut dicitur possidendam harum nostrarum literarum vigore et testimonio mediante, quibus nostrum sigillum appensum est. Datum in oppido nostro Thywys feria quinta in festo circumcisionis domini, anno millesimo quadringentesimo quinquagesimo sexto.


a) Ausstellungsort im UB als: Teiuș.^{^}