Urkunde Nr. 2978 aus Band V

Seite im UB:

499

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2978

Wien 1455 Juni 17 König Ladislaus fordert den Propst Albert von Fünfkirchen auf, in der Streitsache zwischen den Rittern Henning und Jost und dem Hermannstädter Bürgermeister Oswald ein Urteil zu erbringen, trotzdem der Bürgermeister zu der anberaumten Verhandlung nicht erschienen ist.

Von der Kanzlei: Commissio propria domini regis.

Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera fideli nostro venerabili Alberto de Hangaach praeposito ecclesiae Quinqueecclesiensis ac iudicis specialis praesentiae nostrae in iudicatu vicesgerenti salutem et gratiam. Comparuerat quinto decimo die festi Penthecostes proxime praeteriti¹⁾ coram nostra personali praesentia legitimus procurator fidelium nostrorum egregiorum Hennyng de Zomzedwar ac Jodoci capitanei castri nostri Wegles nominibus et in personis eorundem, in quadam causa inter eos ex una, ac Osualdum magistrum civium civitatis nostrae Cibiniensis ab altera partibus mota, secundum contenta literarum nostrarum pridem pro utraque parte per nos datarum iudicium a nobis recepturus. Sed ex quo idem Osualdus in praescripto termino nec personaliter in praesentiam nostram venire, sed neque procuratorem suum mittere curavisset, ideo visum est nobis et consiliariis nostris, ut tu, qui vices iudicis specialis praesentiae nostrae illic geris in causa praedicta ex huiusmodi officio tuo ad ulteriora procedere debeas. Quam ob rem fidelitati tuae firmiter mandamus, quatenus receptis praesentibus cum consilio ac deliberatione magistrorum prothonotariorum ac aliorum consuetudinis dicti regni nostri Hungariae expertorum in causa praedicta, prout de iure et regni consuetudine visum fuerit auctoritate nostra omnium favore abiecto ad ulteriora procedere, literasque necessarias partibus dare debeas iuris earum ad cautelam. Secus non facturi, praesentibus perlectis exhibenti restitutis. Datum Wiennae feria tertia proxima post festum beati Viti martyris, anno domini millesimo quadringentesimo quinquagesimo quinto, regnorum autem nostrorum anno Hungariae et cetera sexto decimo, Bohemiae vero secundo.


1) Juni 8.^{^}