Urkunde Nr. 2975 aus Band V

Seite im UB:

297

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie I (Inventar 223), Nr. 203 - Abt. 13: K. A. Mediasch [Parohia Ev. CA Mediaş], Nr. 14 (alt Nr. 31).

Druckvorlage:

nach Original

Abdruck als:

Volltext

Sprache:

Latein

---

2975

Wien 1455 Mai 23 König Ladislaus gewährt den durch die Türken geschädigten Sachsen der Stühle Mediasch und Schelk einen Nachlass vom Martinszins.

Von der Kanzlei: Commissio propria domini regis.

Nos Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera memoriae commendamus tenore praesentium significantes quibus expedit universis, quod nos consideratis paupertatibus universorum Saxonum nostrorum duarum sedium Saxonicalium scilicet Selk et Meggyes, in quas ipsi propter Turcorum vastationes praeteritis temporibus ipsis factas devenissent ita et adeo, ut etiam certae villae, quae bonam partem census nostri ex parte ipsorum nobis provenientis in eorum medium contribuissent penitus desolatae dicantur eisdem Saxonibus nostris hinc in futurum de censu ipsorum singulis annis de medio ipsorum nobis in argento proveniente ultra relaxationem nostram alias per nos vigore aliarum literarum nostrarum eis factam quadraginta marcas argenti singulis annis nostro durante beneplacito duximus relaxandas immo relaxamus praesentium per vigorem. Quocirca vobis fidelibus nostris dicatoribus et exactoribus huiusmodi census nostri praesentibus et futuris praesentibus firmiter committimus, quatenus a modo deinceps durante nostro beneplacito contra formam huiusmodi nostrae relaxationis praefatos Saxones nostros ratione non solutionis dictarum quadraginta marcarum argenti per nos eis modo praem<isso>¹⁾ impedire, molestare seu damnificare nullo modo praesumatis nec sitis ausi modo <aliquali. Datum >²⁾ Wiennae feria sexta proxima ante festum Pentecostes, anno domini millesimo quadringentesimo <quinquagesim>o²⁾ quinto, regnorum autem nostrorum anno Hungariae et cetera <quinto>³⁾ decimo, Bohemiae vero secundo.

Unter dem Siegel: Commissio domini regis.

Unten links von gleichzeitiger Hand: non reddatur, nisi solverent x florenos auri N. vicecancellarius.

Auf der Rückseite von anderer gleichzeitiger Hand: Ad supplicationem fidelis nostri honorabilis domini Nicolai de Kappus archidiaconi de Kykellew canonici ecclesiae Transsiluanae, prothonotarii nostri cancellariae Hungaricalis. [S. 498]


1) Lücke: 2,8 cm.^{^}
2) Lücke 2,6 cm. [2x]^{^}
3) Lücke 0,7 cm.^{^}