Urkunde Nr. 2973 aus Band V

Seite im UB:

495-496

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2973

Wien 1455 Mai 15 König Ladislaus bestätigt der Hermannstädter und den anderen mit Hermannstädter Recht begabten Schusterzünften ihre Gewohnheiten und trägt dem Rat von Hermannstadt auf, sie ihren Freiheiten zu schützen.

Von der Kanzlei: Commissio propria domini regis.¹⁾ [S. 496]

Nos Ladislaus dei gratia Hungariae, Bohemiae, Dalmaciae, Croaciae et cetera rex, Austriaeque et Stiriae dux necnon marchio Morauiae et cetera memoriae commendamus tenore praesentium significantes²⁾ quibus expedit universis, quod nostrae maiestatis adeundo praesentiam egregius Johannes Lemmel³⁾, comes Cibiniensis, aulae nostrae miles fidelis dilectus pro parte et in personis universorum et singulorum magistrorum sutorum tam in civitate nostra Cibiniensi commorantium quam aliorum quorumcumque magistrorum sutorum ubilibet residentium iuribus et libertatibus Cibiniensium gaudentium et fruentium nostrae exposuit serenitati, quomodo nullus magister sutorum in medio eorundem artem sutoriam possit exercere tamquam magister nisi prius matrimonium contrahat vel hereditatem habeat. Ibidem item, quod nullus ex ipsis sutoribus in eorum consortio seu societate in vulgari⁴⁾ Czeha vocata valeat permanere, nisi sit de thoro legittimo natus et id efficacibus literis approbare possit, necnon in artificio sutorio praenotato et aliter se honeste conservaverit etiam quod neuter praefatorum sutorum in medio ipsorum pro magistro dictae artis sutoriae reputetur aut habeatur vel in consortium seu societatem, ut praefertur⁵⁾, ipsorum admittatur nisi suum magisterium quod²⁾ valens sit ostendat in effectu. Et ut sibi ipsi ac suae familiae possit prodesse et eandem nutrire item quod magistri sutores, qui corium aptare sciunt corium pro eorum necessitate dumtaxat et non causa venditionis laborent et illi qui ratione debilitatis visus ex senio artem sutoriam exercere non possint, ut iidem cum corio se nutrire valeant absque quorumlibet impedimento er contradictione. Supplicantes nostro culmini humiliter, quatenus praefatam universitatem magistrorum sutorum in ipsorum antelatis iuribus libertatibus et praerogativis conservare ac easdem approbare et roborare, gratiose dignaremur. Nos itaque tam ad humulimae praefati Johannis Lemmel³⁾ comitis et militis nostri supplicationis instantiam tum etiam ut ipsi magistri sutores prosperum sorciantur incrementum regia benignitate clementer inclinati praefatas libertates iuraque et praerogativae pro eisdem magistris sutoribus ac eorum haeredibus et posteritatibus universis approbantes roboramus et easdem denuo⁶⁾ et ex novo concedendas pro ipsis imperpetuum valituras confirmamus gratiose praesentium per vigorem. Quocirca vobis fidelibus nostris iudici, magistro civium, iuratis ceterisque civibus et toti communitati praefatis sedis ac civitatis nostrae Cibiniensis districte praecipientes mandamus, quatenus antelatos magistros sutores et eorum posteros in praemissis ipsorum libertatibus iuribus et praerogativis tenere⁷⁾ et conservare modis omnibus debeatis. Nec secus facere praesumatis, gratiae nostrae sub obtentu. Praesentibus denique perlectis exhibenti restitutis. Datum Wiennae in festo ascensionis domini, anno millesimo quadringentesimo quinquagesimo quinto, regnorum autem nostrorum anno Hungariae et cetera quintodecimo, Bohemiae vero secundo.


1) Nach Seivert.^{^}
2) Fehlt in der Vorlage. [2x]^{^}
3) Nach Seivert Lemell. [2x]^{^}
4) Vorlage wlgari. ^{^}
5) Nach Seivert pro... ^{^}
6) Nach Seivert de novo. ^{^}
7) Vorlage tueri. ^{^}