Urkunde Nr. 2969 aus Band V

Seite im UB:

493-494

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 54.

Druckvorlage:

nach Original

Abdruck als:

Volltext

Sprache:

Latein

---

2969

Wien 1455 April 27 König Ladislaus bestätigt die Urkunde König Sigmunds von 1395 Nr. »1356 enthaltend die Urkunde Ludwigs I. von 1344 Nr. »604 über die Grenzen der geistlichen Gerichtsbarkeit, die Bestellung der Geistlichen auf Adelsboden und über den Zehntbezug.

Von der Kanzlei: Commisso propria domini regis.

Nos Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera memoriae commendantes tenore praesentium significantes quibus expedit universis, quod fidelis noster honorabilis vir Johannes Errwdel¹⁾ artium liberalium magister, plebanus ecclesiae parochialis civitatis nostrae Brassouiensis nostrae maiestatis veniens in praesentiam sua ac omnium plebanorum ecclesiarum parochialium decanatus Brassouiensis in personis exhibuit et praesentavit nobis quasdam literas quondam serenissimi principis domini Sigismundi regis Hungariae et cetera avi et praedecessoris nostri carissimi felicis reminiscentiae patenter in pargameno confectas sigilloque suo a tergo impressive verbalem seriem quarundem literarum quondam excellentissimi prineipis domini Lodouici regis Hungariae similiter praedecessoris nostri benedictae memoriae super limitationibus iudiciorum fororum ecclesiasticorum modo et ordine inferius in tenore earundem literarum articulatim descriptis olim per ipsum quondam dominum Lodouicum regem in partibus nostris Transsiluanensibus inter venerabilem patrem dominum Andream episcopum ecclesiae Transsiluanensis ab una ac universos Siculos et Saxones earundem partium nostrarum Transsiluanarum partibus ab altera pro tranquillo et pacifico statu earundem et eo maxime, ut tam ecclesiasticis quam saecularibus personis earundem partium sua iurisdictio illibate servaretur iudicialiter et generali quondam decreto factis in certisque articulis iura, inmunitates atque privilegia dictae Brassouiensis et aliarum ecclesiarum parochialium decanatus Brassouiensis praescripti concernentia confectarum transsumtive in se habentes tenoris subsequentis supplicavitque maiestati nostrae idem Johannes plebanus suo et aliorum quorum supra nominibus et in personis, ut easdem literas ratas, gratas et acceptas habendo literisque nostris privilegialibus verbotenus inseri facientes [S. 494] in quantum eaedem praedictae Brassouiensis et aliarum ecclesiarum parochialium praescripti decanatus Brassouiensis iura, immunitates et privilegia concernere viderentur pro eisdem ecclesiis innovantibus perpetuo valituras dignaremur confirmare. Quarum quidem literarum tenor per omnia sequitur in haec verba. (Folgt die Urkunde König Sigmunds von 1395 Nr. »1356, enthaltend die Urkunde König Ludwigs von 1344 Nr. »604.) Nos igitur supplicationibus praefati Johannis Errwdel¹⁾, plebani dictae ecclesiae parochialis civitatis nostrae Brassouiensis suo et aliorum quorum supra nostrae modo quo supra humiliter porrectis maiestati regia benignitate exauditis clementer et admissis praefatas literas quondam domini Sigismundi regis avi et praedecessoris nostri carissimi non abrasas non cancellatas nec in aliqua sui parte suspectas sed omni penitus suspicionis vitio destitutas immo merae, verae et sincerae veritatis integritate praepollentes quo ad omnes earundem continentias clausulas et articulos eatenus quatenus rite et legitime sunt emanatae viribusque ipsarum veritas suffragatur acceptamus, approbamus et ratificamus easque nihilominus ex illa singulari affectione nostra qua omnium ecclesiarum regni nostri quarum veri patroni sumus iura, immunitates et privilegia semper inviolabiliter inconcusseque et irrefragabiliter consistere summe desideramus ac de mera auctoritate nostra regia et potestatis plenitudine in quantum eaedem literae et articuli in eis descripti iura, immunitates et privilegia dictae Brassouiensis et aliarum ecclesiarum parochialium dicti decanatus Brassouiensis concernere dinoscuntur pro eisdem ecclesiis innovantibus perpetuo valituras confirmamus praesentis scripti nostri patrocinio mediante. In cuius rei memoriam firmitatemque perpetuam praesentes concessimus literas nostras secreti sigilii nostri, quo ut rex Hungariae utimur, appensione roboratas. Datum Vyennae die dominico proximo ante festum beatorum apostolorum Philippi et Jacobi, anno domini millesimo quadringentesimo quinquagesimo quinto, regnorum autem nostrorum anno Hungariae et cetera quinto decimo, Bohemiae vero secundo.

Auf der Rückseite von der Kanzlei: R(egestra)ta M Jo.


1) Abschrift Rwdel. [2x]^{^}
2) Zwischen den Schäften des vergrösserten R. ^{^}