Urkunde Nr. 2962 aus Band V

Seite im UB:

487-488

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 30.

Druckvorlage:

nach Original

Abdruck als:

Volltext

Sprache:

Latein

---

2962

1455 März 9 Friedrich Pyberstain, Prokurator des Heilig-Geist-Ordens, verpflichtet sich gegenüber Richter und Rat von Kronstadt zu Verschwiegenheit und Treue in allen ihm übergebenen Angelegenheiten.

Ego Fridericus Pyberstain, artium et decretorum doctor ac ordinis sancti spiritus [ ]¹⁾, tam praesentibus quam futuris tenore praesentium notifico quibus expedit universis ex quo igitur experigentia (!) sit nigram rerum optima cotidie docens cuius industria legitime certudinaliter et realiter famam rutilantissimam venustate honoris et sapientiae ornatam venerabilium et circumspectorum dominorum iudicis totiusque consulatus civitatis Coronensis suficienter comperi. Quare eisdem dominis meis venerandis iam nominatis ex ipsorum causantibus benemeritis, quibus ipsis non immerito reddet ad gratiam liberalis. Cum utique solum digna²⁾ dignis²⁾ debeantur vigore praesentis literis meae obligatoriae plenam facio oboedientiam et fidelitatem perpetuam irrevocabiliter sub amissione officii mei sacerdotalis dignitatis²⁾ necnon sub ypoteca et obligatione omnium bonorum meorum praesentium et futurorum ac inhabilitate perpetua iuribus ac privilegiis quibuscumque in contrarium mihi subvenire valentibus [S. 488] in aliquo non obstantibus. Ita et taliterque ipsis dominis meis venerandis iudici et civibus iuratis praedictis in omnibus mihi per ipsos commissis et commitendis sub officio aut nomine quorumcumque ubilibet locorum coram quibuscumque seu contra quoscumque semper ero solicitus, tacitus, providus et fidelis, damnaque eorum avertavi bonum, salutem et honorem ipsorum semper procurando in quantum possibilitas admittit. Omni dolo et fraude procul semotis sic me deus adiuvet et sancta dei evangelia. In cuius rei evidentiam sigillum meum maius unacum infrascriptorum publicorum notariorum consignationibus³⁾ infra signatis³⁾ huic recognitioni⁴⁾ feci sub appressione communiri. Datum et actum ipsa die solis, nona mensis Marcii, sub annis domini millesimo quadringentesimo quinquagesimo quinto.

Unten rechts: Vrbanus Petri de Stynawia clericus Wratisslauiensis diocesis notarius publicus ad praemissa requisitus hic me propria mea manu subscripsi die lunae, decima mensis Marcii, anno praescripto. Eobanus Cleynsmit de Erffurdia notarius publicus ad praemissa requisitus manu propria subscripsit et cetera.

Auf der Rückseite von der Hand des Urbanus Petri: Praesentibus ibidem honorabilibus dominis Anthonio hospitalensis ordinis sancti spiritus provisore domus hospitalis in Cybinio et Sigismundo Sutoris de Castrosches capellano⁵⁾ eiusdem⁵⁾ hora tertiarum vel quasi in stuba superiori mei Vrbani notarii praenotati haec facta.


1) Fehlt in der Vorlage.^{^}
2) Vorlage ding... [3x]^{^}
3) Vorlage sing... [2x]^{^}
4) Vorlage recong... ^{^}
5) Über der Zeile. [2x]^{^}