Urkunde Nr. 332 aus Band I

Seite im UB:

305

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Original

Abdruck als:

Volltext

Sprache:

Latein

---

332

1313 Januar 4 Prior Theodorus und der Konvent der Predigermönche zu Weissenburg beglaubigen die Urkunde des Königs Ladislaus IV. von 1275 Nr. »178 betreffend die Verleihung von Klausenburg an die Weissenburger Kirche.

Nos frater Theodorus prior domus sanctae Mariae ordinis fratrum Praedicatorum de Alba totusque conventus loci eiusdem praesentium per tenorem significamus quibus expedit universis, quod venerabilis pater et dominus frater Benedictus dei gratia episcopus Transilvaniensis per magistrum Petrum, notarium suum specialem, nuncium ac procuratorem suum ad hoc specialiter deputatum, coram nobis exhiberi fecit quoddam privilegium Ladislai clarae memoriae quondam Hungariae regis illustris super villa Clusvar confectum, petens nos, ut ad cautelam et maiorem securitatem, et ut ubi liquet et decet portari ac produci valeret, de verbo ad verbum transscribi faceremus et sigillo nostro communiri. Cuius quidem privilegii tenor talis est. (Folgt die Urkunde des Königs Ladislaus IV. von 1275 Nr. »178.) Nos igitur cum fratribus nostri conventus consedentes ipsum privilegium vidimus et invenimus non concellatum, non abolitum, non rasum nec in aliqua sui parte vitiatum, sed integrum et incolume^a) in charta, in cera et in scriptura. Unde iustis petitionibus praedicti venerabilis patris consentientes nec volentes denegare assensum, ipsum privilegium de verbo ad verbum transscribi fecimus et sigillo quo nos et conventus noster utimur communiri. Datum feria quinta proxima post circumcisionem domini, anno eiusdem M^o. CCC^o. tredecimo.


a) Nachtrag UB I 619 statt incolumen.^{^}