Urkunde Nr. 2951 aus Band V

Seite im UB:

476-477

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1339 - Abt. 50: K. A. Burgberg [Parohia Ev. CA Vurpăr], Nr. 11.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2951

Thorenburg 1455 Januar 12 Die siebenbürgischen Vizewoiwoden Georg und Bronislaus ersuchen das Weissenburger Kapitel, bei der Untersuchung der Gewalttätigkeiten und Übergriffe, die seitens der Adligen von Bell und Kaltwasser gegen die Sachsen von Burgberg vorgekommen sind, mitzuwirken.

Amicis eorum reverendis capitulo ecclesiae Transsiluanae Georgius filius Rykalph de Tharkew et Bronislaus vicevaivodae Transsiluani amicitiam parat a m cum honore. Dicitur nobis in personis honorabilis domini Valentini plebani necnon villici ac iuratorum seniorum et totius communitatis regalis Hy -[S. 477] whalom vocatae quomodo Thomas de Alsobolya necnon Laurencius de eadem et Petrus frater eiusdem de Vezzed et Gregorius de Hydegwyz et ceteri nobiles de eadem fenum in magna quantitate per Saxones regales de dicta Hywhalom in territorio eorum falcatum in parte erga domum ipsorum asportando et in parte in eodem loco falcationis feni propter eorundem nobilium prohibitionem anihilari fecissent, in quo facto ducentorum florenorum auri damna eisdem Saxonibus intullissent, quodque decem equos tempore falcationis feni praemissi ab eisdem Saxonibus recipiendo per decem ebdomadas ipsi nobiles erga se conservassent, in quo ipsi Saxones sexaginta florenos auri damna perpessi extitissent, insuperque quatuor homines letalibus vulneribus fauciando alios quamplures ex eisdem diris verberum et vulnerum plagis afficientes vestibus, sellis, frenis, cingulis, cultellis, falcastris et aliis minutis rebus spoliassent, in quibus ipsis Saxonibus quinque florenos auri damna attulissent, ceterumque decem porcos eorundem Saxonum decem florenos auri valentes ipsi nobiles in silva eorundem Saxonum canibus hincinde fugando anihilassent; lite tamen inter ipsos pendente, postremumque praefati nobiles de Bolya et de Hydegwyz contra prohibitionem dictorum Saxonum ligna non in parva quantitate in silva eorum succidi faciendo et ligna succissa ad eorum possessionem cuius vestigia ad praesens evidenter apparerent importari fecissent potentia mediante in eorundem exponentium praeiudicium et damnum valde magnum. Super quo vestram amicitiam petimus diligenter, quatenus vestrum mittatis hominem pro testimonio fidedignum, quo praesente Georgius Greb de Musna aut Michael Greb de Iwanfalwa seu Nicolaus de Tholmach sin Andreas de Rethek seu Thomas Greb de Kapos neve Petherman de Wyfalw aliis absentibus homo noster ab omnibus quibus incumbit meram de praemissis experiatur certitudinis veritatem quam tandem nobis amicabiliter rescribatis. Datum Thordae die dominica proxima post festum beati Pauli primi heremitae, anno domini millesimo CCCC^mo L^mo quinto.