Urkunde Nr. 2946 aus Band V
- Seite im UB:
- 473-474
- Heute in:
- Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]
- Druckvorlage:
- nach Manuskript 19. Jahrhundert
- Abdruck als:
- Volltext
- Sprache:
- Latein
2946
Hermannstadt 1454 Dezember 12 Die Sieben Stühle sprechen die Bewohner von Birthälm von der durch die Witwe Katharina erhobenen Mordklage frei. Abschrift Manuskript Zimmermann des Urkundenbuches nach dem heute verschollenen Orig. Pap. im Gemeindearchiv Birthälm. [Orig. Perg. heute Zentralarchiv der evangelischen Kirche A. B. in Rumänien, Hermannstadt, 610 A 31.]
Druck: Salzer, Birthälm (
») 660 Nr. 6.
[S. 474] Nos iudices et iurati seniores septem sedium Saxonicalium partium Transsiluanarum memoriae commendamus per praesentes significantes, quibus expedit universis, quod nobis more nostro solito die datarum praesentium Cibinii simul pro tribunali sedentibus constituti coram nobis providi viri Michael Rewppler dictus et Paulus Carnifex iurati cives oppidi Birthalm ibidem suis ac universorum hospitum, inhabitatorum et incolarum eiusdem Birthalm nominibus et in personis proponentes, qualiter ipsi per quendam honestam dominam Katherinam quondam Thomae Roed relictam ratione homicidii cuiusdam filii ipsius in sede iudiciaria Kewkeloewar coram nobilibus viris Paulo Rakaschd et Johanne castellanis castri eiusdem Kewkeloewar ac Nicolao de Thatarlaka necnon senioribus eiusdem sedis inculpati et infestati fuissent, ubi se testimonio sex fide dignorum virorum praestitis iuramentorum sacramentis expurgassent et ex parte omnium causarum contra ipsis per annotatam dominam motarum et habitarum cum singulis earum articulis iustificati fuissent, uti hoc idem in literis dictorum nobilium Pauli et Johannis castellanorum videbatur contineri, praeterquam in octo florenis auri, ratione quorum praetitulata domina Katherina in nostram discussionem praesentis iudiciariae nostrae congregationis apellasset eademque nunc minime disnoceretur per se, ne per quempiam ipsius legitimum procuratorem comparere. Petentes nos iidem Michael et Paulus praescripti nominibus et in personis quorum supra, quatenus ipsis iudicium et iustitiam ex parte causarum praemissarum facere dignaremur et impertiri. Unde nos ipsorum propositionibus et allegationibus auditis et intellectis, observata patriae nostrae consuetudine, praetactos Michaelem, Paulum ac universos hospites et inhabitatores de Birthalm deposito ipsorum iure propter non comparentiam saepiustactae dominae Katherinae, partis ipsorum adversae ab infestatione eiusdem ac posterorum et successorum eius universorum ex parte omnium causarum praetactarum liberos et quittos sententia nostra mediante reddimus et pronunciavimus pariter absolutos, harum nostrarum literarum sententionalium vigore et testimonio mediante. Datum Cibinii in generali nostra congregatione in profesto beatae Luciae virginis, anno domini millesimo quandringentesimo quinquagesimo quarto.