Urkunde Nr. 2941 aus Band V

Seite im UB:

468-471

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1338 - Abt. 50: K. A. Burgberg [Parohia Ev. CA Vurpăr], Nr. 10.

Druckvorlage:

nach Original

Abdruck als:

Volltext

Sprache:

Latein

---

2941

1454 November 20 Die siebenbürgischen Vizewoiwoden Georg und Bronislaus bestätigen die von den Burgberger Sachsen in ihrem Streit mit Nikolaus von Salzburg und den Adligen von Kaltwasser dem aufgerufenen Schiedsgericht vorgelegten Urkunden des Weissenburger Kapitels von 1454 Nr. »2930 mit der Urkunde der Vizewoiwoden Georg und Bronislaus von 1454 Nr. »2927 und die Urkunde dieses Kapitels von 1413 Nr. »1718 enthaltend die Urkunde des Kapitels von 1296 Nr. »274 sowie die Urkunde der Vizewoiwoden Georg und Bronislaus von 1454 Nr. »2924 und bezeugen, dass die Burgberger eine gerichtliche Feststellung der Gewalttätigkeiten der Adligen von Bell und Kaltwasser verlangt haben.

[S. 469] Nos Georgius filius Ryczalff de Tharkw et Bronislaus vicevaivodae Transsiluani memoriae commendamus per praesentes, quod cum iuxta continentiam literarum nostrarum adiudicatoriarum pariter et arbitrionalium super quadam attestatione vicinorum et commentaneorum cuiusdam terrae et silvae litigiosarum subnotatarum necnon nobilium comprovincialium comitatus Albensis emanatarum magistrum Nicolaum partium Transsiluanarum prothonotarium ad eandem attestationem faciendo, audiendo et videndo inter egregium Nicolaum de Wyzakna vicegubernatorem et fratres suos condivisionales de Hydegwyz ab una parte siquidem ex alia Saxones regales de villa Hywhalom fieri debendam duxissemus transmittendo, qui octavo die festi Martini episcopi et confessoris¹⁾ ad facies praescriptarum terrae et silvae inter possessionem Felsew Bolya et antedictam villam Hywhalom adiacentium accessisset, ubi ipso praesente, vidente et audiente egregio denique Nicolao de Wyzakna, Gregorio de Hydegwyz, Laurencio de Wessewd Petro fratre eiusdem et Thoma de Inferiori Bolya, item altero Thoma ac Georgio fratre eiusdem necnon Symone Somay et Barthws de Superiori Bolya ab una et Ossualdo magistro civium necnon Melchiore iudice et Petro Weresmorty consule civitatis Cibiniensis necnon honorabili domino Valentino plebano de dicta Hywhalom in sua ac iuratorum et seniorum necnon totius communitatis eiusdem villae Hywhalom parte ab altera praesentialiter adherentibus, praesentibus etiam ibidem egregio Johanne Greb de Wyngarth capitaneo castri de Gergen, Jacobo de Chesthwe, Michaele Fforro. Johanne de Hwzzwazzo, Ladislao de Kereky, Stephano de Hwzzuthelk, Alberto Boltha de Gald, Nicolao de Gerend, Martino de Galdthew, Johanne de Morgandal et Jacobo de Weresmorth arbitris utputa iudicibus per partes antedictas communiter electis pro tribunali consedentibus partibus itaque praedictis praescriptarum terrae et silvae litigiosarum in metarum demonstrationibus non in parva parte differenter processis etiam vicinis et commetaneis necnon nobilibus comprovincialibus per ipsas partes illac accersitis in huiusmodi attestatione et evidenter discordantes, quorum attestationem propter huiusmodi disconvenientiam praesentibus inseri ommisissent annotato nempe egregio Nicolao de Wyzakna id quod licet memorati fratres sui condivisionales huiusmodi litis materiam super praescriptis terra silva eo penitus inscio moverint et in hac parte penes eosdem usque tunc nullam fecerit expensam, tamen propter causae unionem causam in eandem se inmiscere velle per expressum allegantes. Praelibatus siquidem dominus Valentinus plebanus simulcum antedictis villanis de Hywhalom quasdam duas literas unam privilegialiter honorabilis capituli ecclesiae Transsiluanae et aliam nostram patenter emanatas eorundem arbitrorum iudicum²⁾ iudiciario conspectui offere curassent. Quarum primae literae tenor talis fuisset. (Folgt die Urkunde des Weissenburger Kapitels von 1454 Nr. »2930 mit der Urkunde der Vizewoiwoden Georg und Bronislaus von 1454 Nr. »2927 und die Urkunde dieses Kapitels von 1413 Nr. »1718 enthaltend die Urkunde dieses Kapitels von 1296 Nr. »274.) Secundae vero videlicet nostrae verbalis continentiae literae sequetur hoc modo. (Folgt die Urkunde der Vizewoiwoden Georg und Bronislaus von 1454 Nr. »2924). Quibus exhibitis adhuc praelibati villani de Hnwhalom contra praetactos nobiles de Bolya et Hydegwyz proposuissent eo modo, quomodo ipsi nobiles lite inter ipsos pendente non paucos ex eisdem villanis in fenili alias per longa tempora per ipsos villanos uti et frui consueto falcantes dire et severe ac acris verberum et vulnerum plagis afficientes, quas falcastra et ceteras res et bona ipsorum protunc erga ipsos repertas et inventa abstulissent potentia eorum mediante in eorundem exponentium praeiudicium et damnum valde magnum ex parte quorum iudicium habere vellent dictante iuris aequitate. Quo audito annotatus Laurencius de Wesseud in sua et ceterorum praedictorum nobilium penes se astantium nominibus et personis respondisset ex adverso, [S. 470]) quod < >³⁾issent in propriis ipsorum terra et fenili fecissent, nam ipsi in pacifico et quieto dominio eiusdem terrae et fenilis ab antiquo tempore extitissent. Unde auditis partium propositionibus et allegationibus praescriptarum etenim literarum continentiis < >⁴⁾ tellectis eisdem etiam partibus per ipsos arbitros eis in praemissis congruens < >⁵⁾ elargiri debe< >⁶⁾ partes antedictae in metarum demonstrationibus sed et ipsi vicini et commetanei ac nobiles comprovinciales in eorum attestatione discordantes et sibi invicem contradicentes esse et existere ex serieque dictarum literarum privilegialium praedictus mons minus exquisite specificari posse repertum fuisset. Ob hoc ipsi arbitri iudices unacum ceteris probis et nobilibus viris cum ipsis in examine huiusmodi causae existentes, decernentes adiudicando arbitrati extitissent, ut senior ex ipsis nobilibus de Bolya et Hydegwyz unacum aliis tot se ad quot videlicet legitima aestimatio praescriptae terrae litigiosae inter partium demonstrationes situatae iuxta regni consuetudinem fieri debenda se extenderet in festo beati Valentini martiris proxime venturo⁷⁾ coram dicto magistro Nicolao prothonotario in uno loco metali se in terram fodendo discooperto capite resoluto singulo exutis vestibus in una dumtaxat camisia discalciatisque pedibus manu sinistra terra de sub pedibus ad caput levando dextramque manum ad pectus suum ponendo in forma iuramenti prout iurare decet super terram iuramentum prestare deberent et si iurare possent extunc praescriptam terram litigiosam cum omnibus suis pertinentiis eisdem nobilibus iporumque heredibus et posteritatibus universis statuere et relinquere deberent. Si vero ipsi nobiles modo antelato iurare nollent aut non possent extunc annosiores seniores ex praedictis villanis de Hywhalom pariformiter sicut superius narratum fuisset omni prorsus absque variatione iurare deberent, quibus sic iuratis eandem terram litigiosam cum praenarratis sibi annexis pertinentiis sub inclusionibus praeassertarum metarum per ipsos villanos de Hywhalom ostensarum existentes eisdem eorundemque superstitibus in perpetuum statuere et relinquere deberent. Dum autem iidem villani de Hywhalom eatenus sicuti annotati nobiles de Bolya et Hydegwyz modo praetensato iurare nollent aut non possent, extunc saepius dictam terram litigiosam inter partium demonstrationes sitam partes inter antedictas in duas rectas et coaequales partes dividere, quarum unam a parte praescriptae possessionis Bolya eisdem nobilibus, aliam vero partem a parte praelibatae villae Hywhalom eisdem villanis relinquendo. Isto percepto praefatus egregius Nicolaus de Wyzakna eo quod ipse senior et annosior dictorum nobilium existeret huiusmodi iuramentum super se recipere pertimescens subiunxisset in hunc modum, quod antequam sic uti praetenditur super terram in forma consueta iurare deberet portionem in praescripta terra litigiosa sibi cedere debentem eisdem villanis de Hywhalom simpliciter et de plano resignare et remittere promptus esset et paratus et non obstantibus eodem egregio Nicolao de Wyzakna non iurare voluisse, adhuc ceteris nobilibus de Bolya et de Hydegwyz constanter iurare velle asserentibus saepedicti villani de Hywhalom superaddisiddent, quod ex quo praelibatus egregius Nicolaus de Wyzakna ante causae dicisionem sicuti superius narratur causam in eandem se intromisisset. Ob hoc iam causa eadem decisa de iure causa de eadem se excipere non posset sicque ipsi villani in prius narrato iudicio ipsorum arbitrorum esse et existere vellent. Hiis itaque perceptis quoniam ipsi arbitri iudices allegata eorundem villanorum eisdem in hac parte porrecta iusta fore et iuriconsona agnovissent, ob hoc arbitamentum eorundem per antedicta iudicialiter arbitrando deliberatum in vigore pristino permisissent isto declarato quod praescriptum factum potentiaria ratione verberationis et vulnerationis dictorum villanorum ac rerum et bonorum ablationis eorum modo antelato, ut assertur, per iam notatos nobiles eisdem villanis irrogate si ipsi villani maluerint, eisdem per formam iudiciariam acquirere commisissent. Datum tertio [S. 471]) die termini praenotati in loco memorato, anno domini millesimo quadringentesimo quinquagesimo quarto supradicto.


1) November 18.^{^}
2) Mit anderer Tinte liber der Zeile nachgetragen.^{^}
3) Lücke 1,6 cm.^{^}
4) Lücke 2 cm.^{^}
5) Lücke 1,1 cm.^{^}
6) Lücke 3,9 cm.^{^}
7) Februar 14.^{^}