Urkunde Nr. 2936 aus Band V

Seite im UB:

465

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 133.

Druckvorlage:

nach Original

Abdruck als:

Volltext

Sprache:

Latein

---

2936

Prag 1454 Oktober 11 König Ladislaus fordert den Rat von Kronstadt auf, den von ihm namhaft gemachten Steuereinnehmern den dies jährigen Martinszins auszuzahlen.

Ladislaus dei gratia rex Hungariae, Bohemiae, Dalmaciae, Croaciae et cetera Austriaeque et Stiriae dux necnon marchio Morauiae et cetera fidelibus nostris providis et circumspectis iudici et iuratis ceterisque civibus civitatis nostrae Brassouiensis et terrae Barcensis salutem et gratiam. Quia iam instat tempus quo census festi sancti Martini e medio vestri fisco nostro regio in argento provenire debentes persolvi et administrati soliti sunt, quas scilicet census seu argentum nos et quemadmodum et proprius vobis notificavimus de consilio consiliariorum nostrorum pro faciendis de eisdem ciphis et aliis argenteriis curiae et dignitati nostrae necessariis non obstantibus quibuscumque aliis literis per nos cuipiam datis omnino ad ipsam camaram nostram administrari debere disposuimus. Pro quorum quidem censuum recollectione deputavimus fideles nostros honorabilem Nicolaum archidiaconum de Kykellew, capellanum nostrum, ac Georgium Henkel de Lewchouia summum probatorem monetarum nostrarum regni nostri Hungariae, qui huiusmodi census seu argentum a vobis recolligere ac secundum informationem per nos eis superinde datam ad ipsam camaram nostram fideliter administrari debebunt. Ideo fidelitati vestrae universitatis et cuiuslibet vestrum harum serie firmiter mandamus, quatenus visis praesentibus talismodi census seu argentum quibus proxime affuturo festo beati Martini episcopi fisco regio anno in praesenti tenemini sine omni difficultate et dilatione memoratis Nicolao archidiacono et Georgio Henkel praesentium utputa ostensoribus nostro nomine recipientibus et nemini alteri literis nostris per nos forsitan primitus cuicumque datis plenarie integreque ac absque diminutione dare et persolvere debeatis omnibus modis, qui ut praetulimus easdem census sive argentum secundum quod per nos sunt informati nobis et ad camaram nostram debebunt fideliter administrare. Secus non facturi. Praesentes autem facta solutione dicti argenti pro vestri expeditione reservetis. Datum Pragae feria sexta proxima post festum beati Dyonisii martiris, anno domini millesimo quadringentesimo quinquagesimo quarto, regnorum autem nostrorum anno Hungariae et cetera quintodecimo, Bohemiae vero primo.

Ladislaus rex manu propria.

Von der Kanzlei: Commissio propria domini regis. [S. 466]