Urkunde Nr. 2932 aus Band V

Seite im UB:

461-462

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Abt. I. ba (Stenner, Series latina), Nr. 9.

Druckvorlage:

nach Original

Abdruck als:

Volltext

Sprache:

Latein

---

2932

Schässburg 1454 September 8 Bürgermeister und Rat von Schässburg fordern den Kronstädter Rat auf, zum kommenden Landtag Vertreter zu entsenden.

Sapientes atque circumspecti viri domini fratres et amici nostri honorandi. Noveritis magistrum civium et iudicum nostros pridem dominica die post festum decollationis beati Johannis baptistae proxime praeteriti¹⁾ unacum ceteris provincialibus septem sedium in Capolna cum nobilibus et Siculis congregationem generalem celebrasse ubi per nuntios illustris domini Johannis comitis Bistriciensis et cetera, ut universi Saxones partium Transsiluanarum quingentos viros equestres armis necessariis fulcitos in exercitualem progressionem appromtuare et expedire deberemus summus requisiti. Sed ex quo huiusmodi negotium vos aeque sicut et nos tangere dinoscitur propter vestrarum amicitiarum absentiam ac cautiorem deliberationem hoc idem usque ad dominicum diem proximum post festum exaltationis sanctae crucis venturum²⁾ duxerunt prorogandum. Quapropter certos et potiores ex vobis consilio et prudentia praematuros plenam et omnimodam in eisdem faciendi habentes facultatem proxima die dominica praescripta in Torda absque negligentia aliquali cum annotatis nobilibus, Siculis et provincialibus septem sedium congregationem celebraturum modis omnibus habeatis constitutos, quod vobis scriptice intimare nobis in dicta Capolna per regnicolas erat commissum. Datum in Segeswar in festo nativitatis beatae Mariae virginis, anno domini millesimo et cetera L quarto.

Magister civium, iudices et iurati consules civitatis Segeswariensis. [S. 462]

Auf der Rückseite Adresse: Sapientibus et circumspectis viris iudici et iuratis civibus de Brassouia, dominis fratribus et amicis nostris sincere honorandis.


1) September 1.^{^}
2) September 15.^{^}