Urkunde Nr. 2926 aus Band V

Seite im UB:

456-458

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Kirchenarchive A.B. [Colecţia de documente ale parohiilor ev. CA săseşti] Serie II (Inventar 228), Nr. 1335 - Abt. 50: K. A. Burgberg [Parohia Ev. CA Vurpăr], Nr. 7.

Druckvorlage:

nach Original

Abdruck als:

Volltext

Sprache:

Latein

---

2926

Stolzenburg 1454 Juli 22 Die siebenbürgischen Vizewoiwoden Georg und Bronislaus verschieben die Entscheidung in dem zwischen den Adligen von Bell und Kaltwasser und der Gemeinde Burgberg um einen Eichenwald geführten Streit auf den 18. November.

Nos Georgius filius Rycalff de Tharkw et Bronislaus de Slybow vicevaivodae Transsiluani memoriae commendamus per praesentes, quod cum nos iuxta continentiam literarum nostrarum arbitrionalium pariter et obligatoriarum ad fassionem Laurencii de Wezzewd in sua item egregii Nicolai de Wyzakna alias vicevaivodae Transsiluani necnon alterius Nicolai iunioris de dicta Wyzakna item Gregorii de Hydegwyz et Petri fratris ipsius Laurencii necnon Johannis de dicta Wezzewd personis item Symonis Gereb de Felsewbolya similiter in personis nobilium dominarum Dorothea suae ac Margaretha Thomae et Anna Barthus Gereb vocatarum consortum, filiarum videlicet quondam Jacobi de dicta Felsewbolya, ab una parte siquidem ex alia Melchioris iudicis et Johannis Kakas civis civitatis Cibiniensis in personis iuratorum seniorum ac totius communitatis villae regalis Hyehalom vocatae emanatorum super facto cuiusdam silvae glandinosae ac terrarum arabilium et fenilium eidem silvae annexarum intra metas praescriptae possessionis Felsewbolya adiacentium ut asseritur titulo pignoris apud manus dictorum iuratorum ac sen <iorum ac totius>¹⁾ communitatis praescriptae villae Hywhalom existentium factam magistrum Nicolaum partium Transsiluanarum prothonotarium hominem nostrum per nos partibus volentibus ad id specialiter deputatum ad <in>frascriptam²⁾ arbitrativam dispositionem audiendam, faciendam et perficiendam duxissemus destinandum. Qui die dominica proxima ante festum beatae Mariae Magdalenae³⁾ ex deductione praefatorum nobilium de Bolya et de Hydegwyz ad villam regalem Nagzelendek vocatam accessisset, ubi coram ipso praefati nobiles de Bolya et de Hydegwyz ab una et Valentinus plebanus de dicta Hywhalom, Johannes Woner villicus, Nicolaus Rod, Johannes similiter Rod iurati seniores in ipsorum ac totius communitatis eiusdem villae Hywhalom personis parte ab altera personaliter aderentes iidem nobiles de Bolya et de Hydegwyz egre-[S. 457] gium Johannem Gereb de Wyngarth necnon Stephanum de Hwzzwthelek et Paulum de Rakosd pro eorum parte necnon praefati plebanus et alii supranominati de Hywhalom circumspectos et honestos Oswaldum magistrum civium et praefatos Melchiorem iudicem ac Johannem Bridyn necnon alterum Johannem Siglewer iuratos cives praescriptae civitatis Cibiniensis consimiliter pro eorum parte arbitros iudices eligendo causam praescriptam manibus eorundem arbitrorum iudicum ad decidendum et iudicialiter arbitrandum assignassent. Quiquidem nobiles de Bolya et de Hydegwyz nullas penitus literas et aliqua literalia instrumenta pro eorum parte facto in praemisso ad legitimam requisitionem eorundem arbitrorum iudicum exhibere curassent, sed se penitus et per omnia ad literas et literalia instrumenta per annotatos populos et villanos de Hywhalom exhibendas et producenda se submisissent. Expost itaque praedicti populi et villani quasdam duas literas capituli ecclesiae Transsiluanae unam in anno domini millesimo ducentesimo nonagesimo sexto emanatam in ligatura pendentis sigilii notabiliter corruptam in qua inter cetera vidissent contineri, quod progenitores dictorum nobilium de Bolya quendam monticulum pro uno castro aptum cum quibusdam terris et fenilibus ac silva eidem annexis de terris eorundem nobilium de Bolya excisum certo pretio eisdem villanis et populis de Hywhalom vendidissent perpetuo possidendum et aliam privilegialiter confectam anno gratiae millesimo quadringentesimo tredecimo emanatam tenorem earundem sine diminutione et augmento aliquali in transsumpto ad simplicem exhibitionem in se sorbentes exhibere curassent. Quarum tenorem propter tedium praesentibus inseri omisissent, auditis itaque partium propositionibus et earundem pluribus verborum prolationibus contra sese in alterutrum obiectis ipsi populi et villani ab eo tempore cuius memoria hominum contrarium non conprehenderet pro semper in pacifico et quieto dominio praescriptarum silvae ac terrarum et fenilium se esse, fuisse et perstitisse allegarunt. E contrario vero praescripti nobiles de Bolya et de Hydegwyz in aliqua parte earundem silvae ac terrarum et fenilium similiter in dominio esse et existere asseruissent. Et quia prae<tactis>⁴⁾ literis absque vigore et robore commissis et derelictis nullas etiam plures literas et nec aliqua literalia instrumenta praeter praeexhibitas ipsis populis et villanis ad trinam requisitionem more consueto dictorum arbitrorum iudicum producere et exhibere valentibus absque examine et attestatione vicinorum et commetaneorum praescriptarum villae ac terrarum et fenilium necnon nobilium conprovincialium comitatus Albensis in praemissis congruens iudicium partes inter antedictas facere nequivissent; ob hoc causam eandem ad attestationem praescriptorum vicinorum et commetaneorum ac nobilium conprovincialium submisissent eo modo ut partes antedictae⁵⁾ octavo die festi beati Martini episcopi et confessoris proxima nunc venturi⁶⁾ et aliis diebus subsequentibus ad id aptis et sufficientibus praenarratis vicinis et commetaneis <ac>⁴⁾ nobilibus conprovincialibus <ibidem>⁷⁾ convocatis et accersitis tacto vivificae crucis signo ac fidem eorum deo debitam odio ac favore partium et cuiuslibet falsitatis scrupulo postergatis diligenter inquirendo utrum praefati populi et villani de Hywhalom ad hominum memoriam in dominio saepedictarum silvae ac terrarum et fenilium in toto vel in parte aut praelibati nobiles de Bolya et Hydegwyz similiter in toto vel in aliqua parte fuerint et perstiterint meram et omnimodam atque indubiam m<iti>⁸⁾gari debeant veritatem, ut hiis perceptis et intellectis idem magister Nicolaus prothonotarius unacum certis probis et nobilibus viris eotunc latero suo adiungi debendis merum iudicium et condignam iustitiam partes inter antedictas facere et impendere debeant, prout dictaverit ordo iuris. Nihilominusque decernendo decrevissent, ut iidem populi et villani in quot et quantae partis dominio earundem silvae ac terrarum et fenilium hactenus perstitissent usque praescriptae causae decisionem esse et fieri ac [S. 458] uti, frui et fructus percipiendi liberam haberent⁹⁾ facultatem harum nostrarum testimonio literarum mediante. Datum secundo die termini praenotati. In (loco)¹⁰⁾ memorato, anno domini millesimo quadringentesimo quinquagesimo quarto.


1) Lücke 3,4 cm.^{^}
2) Lücke 0,4 cm.^{^}
3) Juli 21.^{^}
4) Lücke 1,2 cm. [2x]^{^}
5) Vorlage andicte.^{^}
6) November 18.^{^}
7) Lücke 0,6 cm.^{^}
8) Lücke 0,5 cm.^{^}
9) Gebessert aus habeant. ^{^}
10) Lücke 1 cm. ^{^}