Urkunde Nr. 2916 aus Band V

Seite im UB:

450-451

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2916

Prag 1454 Mai 31 König Ladislaus fordert die Hermannstädter Bürger Oswald und Michael von Alzen auf, in ihrer Streitsache mit Jodok von Kussow sich dem aus Erzbischof Dionysius von Gran und dem Palatin Ladislaus Gara zusammengesetzten Sondergericht zu stellen.

Von der Kanzlei: Commissio domini regis.

Ladislaus dei gratia rex Hungariae, Bohemiae, Dalmaciae, Croaciae et cetera Austriaeque et Stiriae dux necnon marchio Morauiae et cetera fidelibus nostris providis Osualdo et Michaeli de Olchna civibus civitatis nostrae Cibiniensis salutem et gratiam. Exponit nobis fidelis noster egregius Jodocus de Cussow, capitaneus castri nostri Wegles vocati, quod licet ipse alias coram praelatis et baronibus ac nobilibus regni nostri Hungariae tamquam eotunc in nostri absentia iudicibus ordinariis in causa super facto quorundam censuum sedium Saxonicalium Selk et Meggyes vocatarum per eum contra vos mota, sententiam diffinitivam reportaverit et solutionem ipsorum censuum sibi per vos fieri debere obtinuerit. Tamen tandem vos ipso Jodoco non vocato sed absente et inscio contra eandem quibusdam ocultis processibus habitis causam praedictam de novo iudicari faciendo secundam sententiam primae contrariam reportassetis quam tandem per nos confirmari procurando ipsius occasione executionem primae sententiae hactenus semper impedivissetis et impedire niteremini in futurum in praeiudicium ipsius exponentis atque damnum. Et quia nos praedictam secundam sententiam non simpliciter sed salvo iure alieno et in quantum rationabiliter lata est ac viribus suis veritas suffragatur confirmavimus, nec per hoc fuit intentionis nostrae vires primae sententiae praedicta si iuste lata est ex abrupto sine causae cognitione revocare. Ideo fidelitati vestrae firmiter praecipiendo mandamus, quatenus in octavis festi beati Jacobi apostoli proxime affuturis coram fidelibus nostris reverendissimo in Christo patre¹⁾ domino Dyonisio cardinali archiepiscopo ecclesiae Strigoniensis supremo cancellario nostro ac magnifico Ladislao de Gara praefati regni nostri Hungariae palatino, quos iudices in hac causa specialiter per alias literas nostras delegavimus comparere et praescriptam sententiam pro parte vestri latam ac per nos pridem ut praemisimus confirmatam ac alia iura vestra si quae in facto praemisso pro vobis habetis contra praefatum Jodocum similiter praescriptam primam sententiam pro sui parte latam exhibituri producere debeatis interpretationi, examinationi et conclusioni praefatorum iudicum sine spe amplioris prorogationis parituri. Secus non facturi quoniam non obstante vestra absentia et non venientia iidem iudices secundum mandatum nostrum facient in facto praenotato. Praesentes perlectas reddentes praesentanti. Datum Pragae secundo die festi ascensionis domini, anno eiusdem millesimo quadringentesimo quinquagesimo quarto, regnorum nostrorum anno Hungariae et cetera quartodecimo, Bohemiae vero primo.

Von der Kanzlei: Commissio domini regis in consilio.

Unter dem Siegel Kanzleivermerk.


1) Vorlage patri. ^{^}