Urkunde Nr. 2903 aus Band V

Seite im UB:

439-441

Druckvorlage:

nach Original

Abdruck als:

Volltext

Sprache:

Latein

---

2903

Baassen 1454 März 31 Der öffentliche Notar Martin von Birthälm beurkundet die Entscheidung in einem Testamentstreit zwischen den Vertretern der Birthälmer Marienkirche und Jakob Faber sowie der Katharina Roth.

In nomine domini amen. Sub anno a nativitate eiusdem millesimo quadringentesimo quinquagesimo quarto, indictione secunda, die vero solis, tricesima prima mensis Marcii, hora meridiei vel quasi in villa Bazna vocata, diocesis ecclesiae Albensis Transsiluanensis, in domo habitationis viri domini Andreae, plebani de eadem, presbiteri eiusdem diocesis Albensis, pontificatus sanctissimi in Christo patris et domini nostri, domini Nicolai, digna dei providentia papae quinti anno octavo, in mei notarii publici testiumque infrascriptorum ad hoc vocatorum specialiter et rogatorum praesentia constituti personaliter honorabilis vir dominus Michael plebanus de Byrthhalben, baccalaureus in decretis, sedisque Megiensis decanus, Nicolaus Bwznard iuratus, necnon Cristoforus villicus de iam fata Byrthalben, laici praetactae diocesis Albensis ab una, ab altera vero partibus quidam Jacobus Faber et quaedam Katherina relicta quondam Anthonii Roth dicti in praescripta Byrthalben olim ad praesens vero in possessionibus et sub dominio magnifici domini Johannis de Hwnyad perpetui comitis Rystriciensis commorantes, inter quos licet satis diu et aliquando longo temporis defluxu lites et nonnullae controversiae ratione praetextu testamenti cuiusdam per quandam honestam dominam Katherinam, relictam quondam Tylmanni de eadem Byrthalben legati facti et testamentaliter in sui ultima voluntati dispositi coram iudicio etiam spirituali fuissent, quandoque motae, actitatae et ventilatae. Tamen de partium dispositione ac voluntate ipsa vice specialiter pro concordia inter ipsas fienda non paucis idoneis et honestis personis spiritualibus puta et saecularibus illuc secum assumtis et advocatis illic in unum convenere, quibus omnibus insimul pro concordia inienda et facienda constitutis suprascripti honorabilis dominus Mychael decanus, Nicolaus Bwznard et Cristoforus villicus omnibus melioribus modo, via, iure, causa et forma quibus melius et efficacius fieri potuit et debuit fatendo proponebant eo modo, quomodo omnes videlicet consanguinei [S. 440] et cognati scilicet tam masculini quam etiam feminini sexus praescriptae dominae Katherinae Tylmannin vocatae amici praeterquam supratactus Jacobus Faber, omnes et singulas eorum portiones seu partes ex ipso testamento, sicut praemittitur, per antedictam dominam Katherinam quovismodo eisdem provenire seu cedere debentes parochiali ecclesiae in honore gloriosae dei genitricis semperque virginis Mariae in monticulo in iam saepedicta Byrthalben fundatae, animo bene deliberato et bona eorum de voluntate iure irrevocabili et dono perpetuo dedissent, donassent et resignassent et hoc ipsum documentis evidentibus et testibus fidelignis mediantibus velle docendo approbare. Ex adverso autem consurgens praelibata Katherina Anthonii Rotth huius fassionis seu propositionis oppositum affirmans dicebat, quod nunquam ipsius partem seu portionem, quae eidem cedere debuisset, praenominatae ecclesiae resignasset nec vellet de testium seu documentorum productione, nisi in octo idoneorum virorum iuramenti depositione stare vel fore contenta. Ad huiusmodi vero iuramenti depositionem consurgentes circumspecti et honesti viri honestaeque famae homines et pro testimonio fidedigni Johannes dictus Gordan, Michael Schuler, Paulus Wagner, Mathias Sartor, Michael Schellem iurati seniores, Offilus quondam Petri Sutoris filius, Bartholomeus Fölkel, necnon Christannus Bückler dicti, laici praefatae diocesis Albensis, in saepe dicta Byrthalben commorantes, qui ad sancta dei ewangelia manibus tactis er reverendo honorabilique viro Ambrosio, artium facultatis magistro, plebano de Walthudia, ab < >¹⁾ iuramentis recipientes ad suarum puritatem conscientiarum salubri etiam per ipsum magistrum Ambrosium prout hoc etiam inconsimilibus factis fieri consuevit praemissa admonitionis exhortatione iurarunt in hunc modum, quod et saepefata Katherina relicta ut praedicitur, quondam Anthonii Roth portionem seu partem de suprascripto testamento sibi cedere debentem unacum aliis consanguineis et prout alii et ceteri cognati et amici fecissent pari voto et unanimi voluntate resignassent, demto solo Jacobi suprascripto. Quem etiam de portione et parte sibi cedere debente contentum facere volentes pari consensu arbitratoribus magistro scilicet Ambrosio praeexpresso, Michaele Lacz de Mwschna, Nicolao Sigelewer dictis de Megies et Petro Doliatore de eadem et quodam nobili viro castellano domini Johannis de Hwnyad perpetui comitis Bystriciensis per partes in causa sibi electis et deputatis, promiserunt partes mihi notario publico infrascripto tamquam publicae et authenticae personae se ratum, gratum atque firmum perpetuo habituras ac irrevocabiliter se velle observare totum id, quidquid per dictos electos arbitros actum, factum, arbitratum concordatumve fuerit seu quomodolibet dispositum sub omni bonorum suorum praesentium et futurorum obligatione et hipotheca. Ipsi quoque arbitratores causae et rei gravitatem et magnitudinem diligenter pensantes, neutri partium applaudentes, quin potius deum et eius iustitiam prae oculis habentes, partes concordando disposuerunt in hunc modum, ut ipsi videlicet inhabitatores de Byrthalben saepenominato Jacobo Fabro pro plenario et debito ipsius satisfactionis complemento viginti florenos auri puri et iusti ponderis ad octavam diem Paschae domini adhunc proxime affuturum²⁾ dare, assignare et realiter expedire deberent in effectu, ipseque Jacobus Faber saepedictus nullo unquam tempore futuro nec etiam sui posteri vel heredes legitimi quiquam actionis iuris aut postulationis contra et adversus ecclesiam praefatam vel eius parochianos inhabitatores scilicet de Byrthalben seu eorum quempiam quoquomodo debeat movere, inchoare nullamque movendi seu inchoandi, pronuntiansque idem Jacobus Faber antedictos hospites de Byrthalben et eorum quemlibet necnon et ipsorum ecclesiam ratione huiusmodi testamenti liberos, quittos et penitus ab onere universo absolutos, nolens eosdem modo aliquali vita sibi comite impediendo inquietare seu per alios impedire vel inquietare procurare, asserens insuper et oretenus manifeste recitans, quod [S. 441] ex quo huiusmodi amicabilem secum inissent unionis concordiam, nunquam illic de cetero aliquis timor de ulterioribus impedimentis fiendis ab ipso vel aliquo eius consanguineo deberet ingruendo instare seu imminere, sed ab omni penitus cura amplius debeant supportati fore et exempti. Super quibus omnibus et singulis praefati dominus Michael decanus, Nicolaus Bwznard et Cristoforus villicus nominibus et in personis universorum et singulorum hospitum et inhabitatorum necnon totius communitatis de oppido Byrthalben sibi per me notarium publicum infrascriptum unum vel plura publicum vel publica tot quot forent necessaria confici petierunt instrumentum seu instrumenta. Acta et gesta fuere haec anno, indictione, die, mense, hora, loco et pontificatu quibus supra. Praesentibus ibidem honorabilibus et prudentibus viris dominis Petro de Kykellewar plebano locique eiusdem decano Stephano de Bonessdoff plebano, notario publico, presbiteris, Thoma, villico, et alio Thoma dicto Thompa, Mathia molendinatore de Bazna praefata laicis, alioque Mathia Ostreicher, Michaele Teschner iuratis senioribus de Bolkas, Stephano dicto Malner et Clemente, comite de Megies, similiter laicis praedictae Albensis diocesis, testibus ad praemissa vocatis specialiter et rogatis.

Notarzeichen. Et ego Martinus olim Ladislai de Byrthalben, clericus Transsiluanensis diocesis sacra imperiali auctoritate tabellio manifestus, quia praedictis iuramentorum depositioni et eorundem receptioni, arbitrorum electioni et in ipsos compromissioni, arbitrationisque et concordiae per eosdem factae ratihabitioni, libertationi, quittationi et ab omni onere absolutioni, omnibusque aliis et singulis praemissis dum sic, ut praemittitur, fierent et agerentur, unacum praenominatis testibus praesens interfui eaque omnia et singula sic fieri vidi et audivi, ideoque praesens publicum instrument um manu propria conscriptum, exinde confeci et in hanc publicam formam redegi, signoque et nomine meis solitis et consuetis consignavi rogatus in fidem et requisitus in testimonium omnium et singulorum praemissorum.


1) Vorlage Lücke.^{^}
2) April 28.^{^}