Urkunde Nr. 2878 aus Band V

Seite im UB:

421-422

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

2878

Pressburg 1453 September 6 König Ladislaus ernennt den Pfarrer Gregor Slewing von Klausenburg zu seinem Hauskaplan und verleiht ihm alle Vorrechte und Ehren dieses Standes.

Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux necnon marchio Morauiae et cetera fideli nostro dilecti honorabili domino Gregorio Slewing civitatis nostrae Closwar vocatae plebano, aulaeque nostrae maiestatis capellano salutem et gratiam. Tuae probitatis merita et commendabiles virtutes obsequiosa devotio probataque fidei sinceritas ac laudabilium morum et virtutum dotes quibus ab altissimo tuam personam decoratam fore intelleximus nos inducunt, ut personam tuam gratitudinis nostrae benevolentia prosequamur. Te igitur ex nunc de speciali gratia in nostrae maiestatis specialem et domesticum capellanum recipimus et aliorum nostrorum capellanorum consortio aggregamus volentes et decernentes te de cetero hiis nostri favoris gratiis et honoribus ac praerogativis, quibus allii nostri capellani de iure vel de consuetudine quomodolibet gaudent et potiuntur per omnia et in omnibus potiri et gaudere. Quocirca vos universos et singulos principes ecclesiasticos videlicet et saeculares, duces, marchiones, comites, vicecomites, barones, milites, nobiles, iusticiarios, capitaneos, rectores, magistros civium et officiales item civitates civitatumque castrorum, castellanorum, oppidorum, villarum, terrarum et aliorum quorumcumque locorum portuumque et passuum custodes necnon tributarios generaliter quarumcumque solutionum exactores ac alios quoslibet homines, ad quos praesentes literae nostrae pervenerint requirimus, rogamus et hortamur nihilominusque omnibus et singulis nostris subditis firmissime praecipimus et mandamus, quatenus praefatum dominum Gregorium plebanum et capellanum nostrum dum et quotienscumque per terras, dominia, districtus, portus, passus, pontes et cetera loca vestra et vestrae iurisdictioni subiecta tam per terras quam per aquas transire contigerit nostri intuitu recommissum habentes et favorabiliter pertractantes cum comitiva et familia ac equis et alis rebus suis quibuscumque libere et absque omni impedimento ac tributaria solutione et exactione tam in eundo quam redeundo ire, procedere stareque et redire permittatis et perrmitti faciatis de salvo et securo conductu, dum necesse fuerit, per eundemque harum serie superinde requisiti fueritis sibi liberaliter providendo ad honorem et reverentiam nostrae maiestatis. Prae-[S. 422] sentes autem perlectas semper exhibenti reddi postulamus et mandamus . Datum Posonii feria quinta proxima ante festum nativitatis beatae Mariae virginis, anno domini millesimo quadringentesimo quinquagesimo tertio, regni autem nostri anno quartodecimo.