Urkunde Nr. 2861 aus Band V

Seite im UB:

407

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2861

Wien 1453 Juli 8 König Ladislaus beauftragt den Rat von Hermannstadt, die Angelegenheit zwischen Jost von Kussow und dem Hermannstädter Bürgermeister Oswald Wenczel erneut vorzunehmen.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex ac Austriae et Stiriae dux, necnon marchio Morauiae et cetera fidelibus nostris providis iudicibus et iuratis civibus civitatis nostrae Cibiniensis salutem et gratiam. Exponitur nobis pro parte fidelis nostri egregii Josth de Kazo capitanei castri nostri Wygles vocati gravi cum querela, quomodo vos ad alia scripta nostra vobis superinde directa, eidem Josth ex parte providi Oswaldi Wenczel dicti, magistri civium vestri super quibusdam censibus duarum sedium Selk et Megyes, quibus dicto Josth certis ex causis obligari dinosceretur, iuxta vigorem literarum sententionalium¹⁾ praelatorum et baronum regni nostri Hungariae nullum satisfactionis complementum exhibere curassetis, asserentes huiusmodi sententiam contra iura et libertates septem sedium nostrarum Saxonicalium fore latam. Et quia nos recordamur per expressum, quod pridem ad instantiam praetacti Oswaldi praefatam sententiam pro hac re vigore aliarum literarum nostrarum gratiose revocandam commisimus, ut annotatus Josth non obstante praemissa sententia suum ius adversus praenotatum Oswaldum iure et consuetudine praefatarum septem sedium vestri in praesentia prosequi debeat, ideo fidelitati vestrae firmiter praecipimus et aliud habere nolentes mandamus, quatenus scita praemissorum mera veritate ex parte praenotati Oswaldi praefato Josth, auditis de novo partium propositionibus et allegationibus visis etiam et diligenter examinatis literis super huiusmodi dubitis confectis iudicium et iustitiam, ac meri iuris complementum facere et exhibere debeatis, ut ipse Josth pro defectu iustitiae nostrae peramplius non cogatur querulari maiestati. Et aliud facere non ausuri gratiae nostrae sub obtentu. Praesentes quoque post earum lecturam semper iubemus exhibenti restituere. Datum Wiennae dominico die proximo post festum visitationis sanctae Mariae virginis gloriosae, anno domini millesimo quadringentesimo quinquagesimo tertio, regni autem nostri anno quartodecimo. [S. 408]


1) Vorlage sentecialium. ^{^}