Urkunde Nr. 2856 aus Band V

Seite im UB:

403-404

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkunden des Burzenländer Kapitels [Capitlul evanghelic CA Ţara Bârsei] (Inventar 459), Nr. 24.

Druckvorlage:

nach Original

Abdruck als:

Volltext

Sprache:

Latein

---

2856

Thorenburg 1453 Juni 23 Johannes von Hunyad verbietet dem Kronstädter Rat, Georg, den Dekan des Burzenländer Kapitels, und die übrigen Kapitelsherren am Reisen zu behindern.

Johannes de Hwnyad, comes perpetuus Bystriciensis ac supremus capitaneus regiae maiestatis in regno Hungariae constitutus et cetera prudentibus et cir-[S. 404] cumspectis viris iudici, iuratis ceterisque civibus civitatis Brassouiensis et eius pertinentiis ac alterius cuiusvis status conditionis et praeeminentiae hominibus praesentes visuris salutem cum favore. Quia venerabilis et egregius vir Georgius in decretis licentiatus decanus Brassouiensis cum quibusdam¹⁾ dominis de capitulo eiusdem ex commissione et mandato nostro ad nos²⁾ venire habent, pro eo vobis et vestrum cuilibet in persona regiae maiestatis firmissime praecipientes mandamus aliudque habere omnino nolentes, quatenus visis praesentibus praefatos Georgium decanum ac dominos de capitulo tam in veniendo quam in redeundo simulcum comitiva ac rebus et bonis ipsorum quibusvis ubique libere et pacifice ac absque omni impedimento permittatis et permitti faciatis, Secus facere non ausuri. Praesentibus perlectis exhibenti restitutis. Datum in Thorda in profesto beati Iohannis baptistae, anno domini millesimo quadringentesimo quinquagesimo tertio.

Von der Kanzlei: Commissio propria domini comitis Bistriciensis.


1) Hierauf capellanis durchgestrichen.^{^}
2) Über der Zeile.^{^}