Urkunde Nr. 2848 aus Band V

Seite im UB:

399-400

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 150.

Druckvorlage:

nach Original

Abdruck als:

Volltext

Sprache:

Latein

---

2848

Wien 1453 Juni 4 König Ladislaus teilt den Sachsen Siebenbürgens mit, dass er die Bekämpfung der Räuberbanden in der Zips persönlich führen werde und ersucht sie, sich mit ihrem Aufgebot bis zum 24. Juni bei Kaschau einzufinden.

Von der Kanzlei: Commissio domini regis.

Ladislaus dei gratia Hungariae, Bohemiae, Dalmaciae, Croaciae et cetera rex Austriaeque et Stiriae dux necnon marchio Morauiae et cetera fidelibus nostris universis et singulis Saxonibus nostris regalibus in partibus nostris Transsiluanis constitutis et commoratibus salutem et gratiam. Surgentibus pridem in terra nostra Scepusiensi quibusdam malefactoribus, qui rapto vivere assveti sub ducatu cuiusdam Axamyth nonnullos fideles nostros rebus et bonis spoliabunt, cum ad extirpandos eosdem terrigenarum illarum partium facultas non sufficeret, scripseramus certis nostris baronibus et quorundam comitatuum nobilibus, ut in auxilium illius terrae procederent contra malefactores memoratos. Sed cum in ea re mora longior fuisset protracta seu negligentia quaedam commissa invaluit malitia numerusque auctus et hominum pravorum adeo, ut iam sicuti crebrescentibus querelis terrigenarum illorum docemur, plura non solum in terra illa sed et prope Cassoviam et alia fortalitia erexerint, ex quibus illarum terrarum incolis post crebras praedas sub censu coactis more incendii ulterius repere ac etiam alias circumvicinas partes penetrare et invadere moliuntur. Condolemus autem afflictionem illius regni nostri cuius inter alia regna nostra specialior cura menti nostrae impressa est. Et quia huic morbo, qui tantum invaluit, non quaelibet partialis provisio sufficit, decrevimus non parcere etiam propriae personae nostrae, sed pro commodo et pace subditorum nostrorum libenter assummere defensionis laborem et aetatem nostram assuefacere portandis oneribus officii nostri. Itaque resecatis nonnullis aliis nostris negotiis, licet perarduis, his diebus personaliter nos ponemus ad campum ducturi nobis cum bonam copiam gentium et de Austria et de Moravia, cum quibus et adiumento vestro ad finaliter extirpandos de omni terra illa malefactores praedictos dante domino procedemus. Quapropter fidelitati universitatis vestrae et cuiuslibet vestrum firmiter praecipiendo mandamus, quatenus incontinenti visis praesentibus, nullo alio mandato expectato, universaliter et per singula capita cum omnibus vestris gentibus exercitualiter insurgere et usque ad festum nativitatis beati Johannis baptistae proxime venturum¹⁾ circa Cassouiam cum aliis fidelibus nostris, quibus similia scripta direximus constitui, et illic congregari debeatis, acturi pariter [S. 400] nobiscum omnia ea, quae pro defensione regni et exterminio latronum praedictorum necessario facienda erunt. Secus facere non ausuri. Alioquin committimus per praesentes vaivodis et vicevaivodis nostris Transsiluanensibus, ut ipsi rebelles ex vobis ad executionem huiusmodi mandati nostri per occupationem possessionum suarum arcius compellant et astringant. Datum Wyennae feria secunda proxima post festum sacratissimi corporis Christi, anno eiusdem millesimo quadringentesimo quinquagesimo tertio, regni autem nostri anno quartodecimo.

Von der Kanzlei: Commissio domini regis ex deliberatione consiliariorum.


1) Juni 24.^{^}