Urkunde Nr. 2831 aus Band V

Seite im UB:

386

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25), Nr. 146.

Druckvorlage:

nach Original

Abdruck als:

Volltext

Sprache:

Latein

---

2831

Wien 1453 März 11. König Ladislaus erteilt den Sachsen der Sieben Stühle und der Stadt Hermannstadt das Recht, sich beim Siegeln roten Wachses zu bedienen.

Von der Kanzlei: Commissio domini regis.

Ladislaus dei gratia rex Hungariae, Bohemiae, Dalmaciae, Croaciae et cetera ac Austriae et Stiriae dux necnon marchio Morauiae et cetera fidelibus nostris sincere dilectis comitibus, magistris civium, iudicibus, iuratis senioribus civibus ceterisque Saxonibus et communitati septem sedium et civitatis¹⁾ nostrarum Saxonicalium partium Transsiluanarum salutem gratiamque nostram regiam et favorem. Magna magnae fidei fidelitatis vestrae excreverunt merita stabili obsequio et constanti animo cumulata, quibus publico iure et honesta quadam necessitati impellimur, ut vestris vobis tam favoris quam honoris a nobis emeriti debita persolvamus. Cum enim praecipua sit conditio regalis curae nostrae ut singuli fideles statum nostrum promoventes praemii quaesiti vicem recipiant, vobis tamen et vestrae communitati tanto propensius afficimur quanto magis vos in fide constantes fidelitate integros et in omni operum virtute prestantes cognovimus. Quam ob rem inter alia quibus laudae dignam fidelitatem vestram honorare decorareque et ad altiora status vestra ornamenta sublevare intendimus, considerantes et attendentes fidelissima vestra obsequia fidemque puram et affectionem ad nos servatam , quibus quondam serenissimorum principum dominorum Sigismundi imperatoris avi et Alberti regum Hungariae patris nostrorum carissimorum ac etiam a primaevi natalis nostri ortus temporibus inter multas regni et regnicolarum dissenssiones ac turbines, inter quas videlicet nos orbatam parentibus infantiam aetatemque apud alienam educationem agebamus, per continuum successum magna et varia gravamina insultus insuper duros a saevis Teucris sustulistis et proelia strennua contra eosdem pro vestrae patriae tutela gessistis nostrae maiestati et sacrae regni nostri Hungariae coronae usque ad hos regiminis nostri dies constantissime adhaerentes placere et complacere studuistis. His attentis de plenitudine nostrae potestatis ac favoris et gratiae volentes indulgemus vigore et tenore praesentium ac concedimus vobis ut hinc in posterum perpetuis temporibus universis quo ad sigillum seu sigilla provinciae et communitatis septem sedium Saxonicalium ac civitatis Cibiniensis cera rubea uti, cum eademque more aliarum provinciarum seu civitatum omnia privilegia omnesque literas iuridicas, testimoniales, causales, sententiales, missiles quoque seu epistolas et alias quascumque sigillare et consignare impendenti vel inappresso valeatis, et ad id plenam et liberam habeatis facultatem ex praesenti nostra concessione et annuentia speciali. In quorum omnium robur et testimonium praesentes concessimus literas nostras pendentis secreti sigilii nostri, quo ut rex Hungariae utimur, munimine roboratas. Datum Wyennae in dominica laetare, anno domini millesimo quadringentesimo quinquagesimo tertio, regni autem nostri anno tredecimo.

Von der Kanzlei: Commissio domini regis in consilio.[S. 387]


1) Vorlage civitate. ^{^}